Di êrîşa hewayî ya ku Emrîkaya îşxalker li Yemenê sivîlan bombebaran kir de 5 jê xebatkarên tenduristiyê 33 kes şehîd bûn û 80 kes jî birîndar bûn.

Emrîkayê li Yemenê sivîlan hedef girt. Êrîş li ser Bendera Ras Îsa ya parêzgeha Hudeyda ya ku di bin kontrola Tevgera Ensarullah de ye hat kirin.

Di êrîşê de xebatkarên tenduristiyê jî di nav de herî kêm 33 kes şehîd bûn û 80 kes jî birîndar bûn.

Li gorî nûçeya televîzyona El Masîra ku ser bi Ensarullahê ye, balafirên şer ên Emrîkayê 2 caran Bendera Ras Îsa ya li navçeya Es-Selîf a bajarê Hudeydê bombebaran kirin.

Hat ragihandin ku qereqolên bersivdayînê yên ewil û binesaziya sivîl di nav xalên ku hatine hedefgirtin de hene.

Hat destnîşankirin ku ji 33 şehîdan 5 xebatkarên tenduristiyê ne.

Êrîş li dijî hiqûqa navneteweyî ye

Rêxistinên mafên mirovan ên navneteweyî ev êrîşa Emrîkayê wekî îxlalkirinên eşkere ya hiqûqa navneteweyî û rêbazên şer nirxandin.

Çavdêrên ku diyar dikin ku hedefgirtina sivîlan û xebatkarên tenduristiyê dibe ku "sûcê şer" be, dibêjin ku rêveberiya Washingtonê krîza li herêmê hîn kûrtir dike.

Li gorî daneyên Neteweyên Yekbûyî, şerê bi salan li Yemenê bûye sedema yek ji mezintirîn qeyranên mirovî yên cîhanê. Êrîşên bi vî rengî yên rasterast ên leşkerî yên Emrîkayê krîza mirovahî hîn kûrtir dike.

Tevgera Ensarullahê di 7ê Adarê de ragihandibû ku eger rejîma siyonîst rê nede alîkariyên mirovî derbasî Xezzeyê bibin, ewê operasyonên xwe yên li Behra Sor ji nû ve bidin destpêkirin.

Piştî vê daxuyaniyê rageşî bi lez zêde bû, Serokê Emrîkayê Donald Trump di 15ê Adarê de li ser Truth Social ragihand ku wî fermana "êrîşeke mezin" li ser Ensarullaha Yemenê daye.

Serokê Ensarullahê Ebdulmelîk El-Hûsî bertekeke tund nîşanî vê helwesta êrîşkar a Emrîkayê da û ragihand ku keştiyên şer û balafirên Washingtonê yên li herêmê jî bûne hedefên rewa. (ÎLKHA)