Rayedarên Ewrupa Yetîm Elî ku di çarçoveya projeyên alîkarîya însanî de li Tirkîyeyê ne, ji xebatên xwe yên bi minasebeta meha Remezanê dabûn destpêkirin re bênavber berdewam dikin.

Ewrupa Yetîm Elî, herî dawîn li Stenbol, Bûrsa, Eskîşehîr, Seqerya, Qocaelî, Balikesîr û navçeya Bozoyuka Bîlecîkê malbatên mihtac zîyaret kir.

Ewrupa Yetîm Elî, bi desteka xêrxwazan li van bajaran ji bi sedan malbatan re alîkarîya zexîre û meddî kir.

Alîkarê Serokê Giştî yê Ewrupa Yetîm Elîyê Serdar Şîşman û Temsîlkarê Hannovarê yê Ewrupa Yetîm Elîyê Abdulqadîr Yilmaz beşdarî xebatên alîkarîyê bûn û ji zarokên êtîm re cil û bergan li wan kirin û bi vê şeklê wan kêfxweş kirin.

Şîşman di fealîyeta ku kirin de agahîyan da û îfade kir ku ew li çar alîyê Tirkîyeyê bi sedan malbatan zîyaret kirine.

Şîşman destnîşan kir ku ew di meha Remezanê de ew ê li Tirkîyeyê projeyên xwe yên alîkarîyê bidomînin û dûre weha got:

“Em wek Ewrupa Yetîm Elî li Tirkîyeyê di çarçoveya projeyên xwe de bi îzna Xwedê di meha Remezanê de belavkirina kolîyên zexîreyê, meddî û ji bo êtîman belavkirina cil û bergan û sifreyên fitarîyê bikin.” (ÎLKHA)