ئیسحاق ساغلام یاریدەدەری سەرۆکی گشتی هودا پار سەبارەت بە "وۆرکشۆپی چارسەری مرۆیی بۆ پرسی کورد" راگەیەندراوێکی بڵاو کردەوە و ئاماژەی بەوە کرد کە پرسی کورد هەموو کاتێک لە ڕۆژەڤیاندایە.

هودا پار لە ١٥-١٦ی شوبات لە دیاربەکر وۆرکشۆپێک بە ناوی "چارەسەری مرۆیی بۆ پرسی کورد" رێکدەخات. ئیسحاق ساغلام یاریدەدەری سەرۆکی گشتی هودا پار لەبارەی وۆرکشۆپەکە لەگەڵ ڕۆژنامەنووسان کۆبوونەوەیەک رێکخست و ئاماژەی بەوە کرد کە ژمارەیەکی زۆر کەسایەتی ئەکادەمی، زانا و سیاسەتمەدار بەشداری لە وۆرکشۆپەکە دەکەن.

ساغلام ئاماژەی بەوە کرد کە هودا پار لە ساڵی ٢٠١٢ـەوە رێگاکانی چارەسەری بۆ پرسەکانی وڵات پێشکەش دەکات و وتی، "الحمد لله تاوەکو ئەمڕۆ ئەم ئەرکەمان بە جوانی ئەنجام دایەوە. لە هەر شوێنی وڵات ئەگەر کێشەیەک هەبێت هودا پار لەبارەی رێگایەکی چارەسەری پێشکەش دەکات و دەتوانێت لەمبارەیە قسە بکات."

"پرسی کورد یەکێک لە گرنگترین پرسەکانی تورکیا کە قسەی لە سەر دەکرێت"

ساغلام لە بەردەوامی ئاماژەی بەوە کرد کە "پرسی کورد یەکێکە لە گرنگترین پرسەکانی وڵات کە قسەی لە سەر دەکرێت" و لە ساڵی ٢٠١٢ کاتێک بەرنامەی حیزبەکە ئامادە کرا شوێنێکی تایبەت بۆ ئەم پرسە ئامادە کرا و وتی، "یەکێکە لەو بابەتانەی کە زۆرترین قسەی لەسەر دەکرێت لە وڵاتدا، یەکێکە لەو بابەتە سەرئێشە و کێشەدارانەی کە خەڵک گلەیی لێدەکەن، هەر بۆیەش یەکێکە لەو بابەتانەی کە لە یەکەم ڕۆژەوە زۆرترین قسەمان لەسەر کردووە. ئەم پرسە ١٠ یان ٥٠ ساڵی رابردوو نییە بەلکو پرسێکە زیاتر لە سەدەیەکە بەردەوامە، لەم جوگرافیایە قسەی لە سەر دەکرێت، هەوڵ بۆ دۆزینەوەی چارەسەری بۆ دەدرێت، پێشنیارەکان پێشکەس دەکرێن، هەوڵ دەدرێت هەنێک شت ئەنجام بدرێن. ئەگەر هێشتا باس لەم بابەتە دەکەین ئەو کات هێشتا پرسەکە چارەسەر نەبووە. ئێمەش بۆ چارەسەرکردنی ئەم پرسە هەرچی لە دەستمان دێت ئەنجام دەدەین."

ساغلام ئاماژەی بەوە کرد، هەر لایەنێک چارەسەریێک بۆ پرسەکە پێشکەش دەکات و ئەمە شتێکی سروشتییە کە هەنێک پێشنیارەکان دژ بە پێشنیارەکانی دیکە بن و گرنگ ئەمەیە گفتوگۆ لە سەر ئەم پرسە بکرێت و هەوڵ بۆ چارەسەرکردنی بدرێت.

ناوبراو وتی، "تا کاتێک ئێمە لە دوای چارەسەریێکدا بین ئەو کات قبولمان کردووە کە کێشەیەک هەیە. بۆیە ئەمانە بە گرنگ دەزانم و دەبێت قبول بکەم کە ئەو لایەنانەی پێشنیاری چارەسەری پێشکەش دەکەن لەمبارەی دڵسۆزن و بە ڕاستی هەوڵ بۆ چارەسەرکردنی پرسەکە دەدەن. لەم قۆناغەیدا کە تێپەڕیوە بەداخەوە یاسای برایەتی پێشێڵ کراوە، هەنێک لایەنەکان لە یەکتر دوورکەوتوون و هەنێک لایەنەکان دژایەتی یەکتریان کردووە و بۆیە ئەم رەوشەی نایاسایی و ناحقوقی کۆتایی نەهاتووە. یەکێک لە ئامانجە سەرەکییەکانمان ئەمەیە برایەتی دووبارە ئاوادان بکرێت و برینەکان سارێژ بکرێن."

"ئێمە بە بەنرخ دەزانین ئەوانەی بەردەوام ئەم پرسە وەک پرسێکی ئاسایش دەبینن، پەرەدەسەنن بۆ بیرکردنەوەی 'با ئێستا ئەم پرسە چارەسەر بکەین"

ساغلام لە بەردەوامی لەبارەی هەڵوێستی هەنێک حیزبەکان لەبارەی پرسی کورد وتی، "لەم قۆناغەی کە تێپەڕی ژمارەیەکی زۆر هەوڵ بۆ چارەسەری پرسەکە درا بەڵام ئەمڕۆ ئەم پرسە دووبارە بوەو ڕۆژەڤ و زۆر بە چڕی قسەی لە سەر دەکرێت. ئێمە پێمان وایە کە گریمانەی ئێستا لە گەڕانەکانی پێشووی چارەسەر گونجاوترە. چونکە پێش لە هەموو کەسێک سەرۆکی مەهەپە ئاماژەی بەو بابەتە کرد و ئەمە شتێکی گرنگە. چونکە پێشتر لە هەوڵەکانی چارەسەریدا مەهەپە لە بەرەوی ئۆپۆزسیۆندا بوو. ئێمە بە بەنرخ دەزانین ئەوانەی بەردەوام ئەم پرسە وەک پرسێکی ئاسایش دەبینن، پەرەدەسەنن بۆ بیرکردنەوەی 'با ئێستا ئەم پرسە چارەسەر بکەین. هەروەها جەهەپەی کە سەرچاوەی ئەم پرسەیە لە بەرەی ئەو لایە، دژایەتی ئەم کارە ناکات و بێ لایەن ماوە و لە بەرەی ئۆپۆزسیۆنی چارەسەریدا نییە. واتە، لەبەر ئەوەی ئەم دوو لایەنە دژایەتی چارەسەری ناکەن باوەڕ دەکەین کە قۆناغێکی گونجان بۆ چارەسەرکردنی پرسەکە دروست بووە."

ساغلام لە بەردەوامی ئاماژەی بەوە کرد، لەگەڵ ئەوەی ئەوانەی پێشتر دژایەتیان دەکرد ئێستا دژایەتی ناکەن بەڵام لە نێوان کۆمەڵگا جۆش و خرۆشی رابردوو نییە و بۆیە هەموو کەس دەبێت ئەرکی خۆی بۆ دروستبوونی ئەم جۆش و خرۆشە جێبەجێ بکات.

"تەنها لەبەر ئەوەی ئەم پرسە دووبارە هاتووە ڕۆژەڤ گرنگی بە بابەتە نادەین"

ساغلام لە بەردەوامی باس لە وردەکارییەکانی وۆرکشۆپەکە کرد و وتی، "إن شاء الله، لە ١٥-١٦ی شوبات وەک هەوڵێک بۆ دۆزینەوەی چارەسەری بۆ پرسەکە وۆرکشۆپێک رێکدەخەین. پێم وایە لەبارەی بەروەرای وۆرکشۆپەکە لە ١٥-١٦ی شوبات دەبێت بەیانێک بدەم. شایەد وا بیر بکرێت کە لەبەر ئەوەی پرسەکە بووە ڕۆژەڤ وۆرکشۆپەکە لە ١٥-١٦ی شوبات رێکدەخرێت بەڵام ئێمە لە ساڵی ٢٠١٢ـەوە یەکێک لە بابەتەکانی کە زۆر گرنگی پێ دەدەین ئەم پرسەیە و هەوڵ دەدەین هەموو کاتێک لە ڕۆژەڤماندا بێت."

ساغلام وتی، "لە حوزەیرانی ٢٠٢٣ لەبارەی وۆرکشۆپەکە کۆبوونەوەیەکمان رێکخست بۆ ئەوەی بەرەوارەکە دیار بکەین. بڕیارمان دابوو وۆرکشۆپەکە لە پاییزی ٢٠٢٤ رێکبخەین بەڵام پێش لەوەی بەروارەکە دیار بکەین تۆفانی ئەقسا رووی دا و وەک هەموو جیهان لە تورکیاش پرسی سەرەکی وڵات بووە جینۆسایدەکەی غەززە. بۆیە ساڵێک وۆرکشۆپەکەمان دواخست. واتە، لەبەر ئەوەی پرسەکە دووبارە بووە ڕۆژەڤ ئەم وۆرکشۆپەکە رێکناخەین بەلکو پرسێکە هەموو کاتێک لە ڕۆژەڤماندایە و إن شاء الله ئەمە وەک هەنگاوێک دەبینین."

"هەموو کەس دەزانن کە پرسەکە بە سەپاندنی تاکلایەنی و بڕیار و رێکخستنەکان چارەسەر نابێت"

ساغلام لە بەردەوامی باس لە ئامانجەکەیان لە رێکخستنی وۆرکشۆپەکە کرد و وتی، "واتە هەموو کەس دەزانن کە پرسەکە بە سەپاندنی تاکلایەنی و بڕیار و رێکخستنەکان چارەسەر نابێت. ئەم پرسە تەنها بە وتنی 'ئەم پرسە بە شێوەیە چارەسەر دەکەین' لە لایەن دەزگاکانی دەوڵەتی یان نادەوڵەتی چارەسەر نابێت. چونکە دەیان ساڵە ئەمە دەبینین. بۆیە دەبێت بە بیرێکی هاوبەش چارەسەریێک بدۆزین. هۆکاری سەرەکی ئەم چارەسەریانە ئەمەن. هەموو لایەنێک باس لە هۆکارەکانی دروستبوونی ئەم کێشەیە دەکەن. ئێمە ڕووبەڕووی چ جۆرە ئەنجامێک دەبینەوە و چی بکرێت بۆ چارەسەرکردنی؟ سەبارەت بەم بابەتە پێشنیاری چارەسەر دەخەینەڕوو. بەهیوای ئەوەی ئەم کۆتایی هەفتەیە وۆرکشۆپێکی دوو ڕۆژە لەگەڵ ئەو ئەکادیمی و زانا و سیاسەتمەدارانە ساز بکەین کە لەسەر ئەم بابەتە قسەیان کردووە، کە بە توندی بیری لێدەکەنەوە و نیگەرانن. لەم وۆرکشۆپەدا بە وردی باسی ئەو پرسە دەکەین و پێشنیاری چارەسەر دەخەینەڕوو، إن شاء الله ڕۆژی یەکشەممە ١٦ی کانوونی دووەم ئەنجامەکان بۆ ڕای گشتی ڕادەگەیەنین.(İLKHA)