فڕۆکەکانی جەنگی هێزەکانی هاوپەیمانی سەر بە ئەمریکا بەردەوامن لە هێرشی ئاسمانی سەر یەمەن.

پەتریک ریدێر وتەبێژی وەزارەتی بەرگری ئەمریکا (پنتاگۆن) راگەیاند کە فەرماندایەتی هێزەکانی ناوەندی ئەمریکا بەردەوامن لە هێرشی ئاسمانی بۆ سەر یەمەن.

ریدێر باسی لەوە کرد کە هێرشی ئاسمانیان بۆ سەر چەندین کۆگای چەک و تەقەمەنی انصارالله-یان ئەنجام داوە و هێرشەکە وەک وڵامدانەوە بۆ ئۆپڕاسیۆنەکانی سەر هێزەکانی هاوپەیمانی ئەمریکا ئەنجام دراوە.

بزووتنەوەی انصارالله دوێنێ راگەیاندبوو کە ئۆپڕاسیۆنیان بۆ سەر کەشتی فڕۆکەهەڵگری ئەمریکا و دوو کەشتی هێرشکەری ئەمریکایان ئەنجام داوە.

بزووتنەوەی انصارالله بۆ پشتیوانی لە بەرخۆدانی غەززە و لوبنان زۆر جار ئەم جۆرە ئۆپڕاسیۆنانە بۆ سەر کەشتییەکانی کە پەیوەندیان لەگەڵ رژێمی داگیرکەر، ئەمریکا و بەریتانیا هەیە ئەنجام دەدەن.(İLKHA)