لە کاتێکدا کە بوونی سەربازی فەڕەنسا لە ئەفریقای ژێر سەحرا بەردەوامە لە داڕمان، بەم دواییە بنکەکەی لە کۆتدیڤوار رادەست کرد.

ئالاسان ئۆتارا، سەرۆکی کۆتدیڤوار رادەستکردنی تاکە بنکەی فەڕەنسی لە وڵاتەکەی راگەیاند.

لە دوێنێوە، بنکەی پۆرت بویت کە سەربازانی فەڕەنسی تێیدا دەمێننەوە، رادەستی سوپای کۆتدیڤوار کراوەتەوە.

وەزیری بەرگری فەڕەنسا لە مەراسیمی رادەستکردن رایگەیاند، بوونی فەڕەنسا لە ناوچەکەدا کۆتایی نەهاتووە، بەڵکو تەنها گۆڕانکاری بەسەردا هاتووە، هەروەها ٨٠ سەرباز بەردەوام دەبن لە مانەوەیان لە کۆتدیڤوار.

ژمارەی سەربازانی فەڕەنسا لە ئەفریقای ژێر سەحرا لە ماوەی پێنج ساڵی رابردوودا بە شێوەیەکی بەرچاو کەمی کردووە، لە کاتێکدا لە ساڵی ٢٠٢٠دا ١٠ هەزار و ٧٠٠ سەرباز بووە.

لە ساڵی ٢٠٢٠ەوە فەرەنسا یان کۆتایی بە ئۆپەراسیۆنە سەربازییەکانی لە ئەفریقا هێناوە یان ناچار بووە بنکەکانی بگوازێتەوە. دوابەدوای کودەتاکانی مالی، بورکینافاسۆ و نیجەر، هاوکاری سەربازی لەگەڵ ئەو وڵاتانە کۆتایی هات، هاوکات بنکەکانی چاد و کۆتدیڤوار چۆڵکران.(İLKHA)