لە ئەنجامی هێرشی داگیرکەران لە جەنین منداڵێک شەهید بوو
13 oC
13 oC
Güneşli
13 oC
Güneşli
لە ئەنجامی هێرشی هێزەکانی داگیرکەری سەهیۆنی بۆ سەر کەمپی جەنین لە باکووری کەناری ڕۆژئاوای داگیرکراو منداڵێک شەهید بوو.
وەزارەتی تەندروستی فەلەستین لە راگەیەندراوێک باسی لەوە کرد، لە ئەنجامی هێرشی هێزەکانی داگیرکەری سەهیۆنی بۆ سەر کەمپی جەنین لە باکووری کەناری ڕۆژئاوای داگیرکراو منداڵێک بە ناوی ریماس عومەر عاموری تەمەن ١٣ شەهید بوو.
سەرچاوەکانی خۆجێ باسیان لەوە کرد، داگیرکەران راستەخۆ تەقەیان کردووە سەر منداڵەکە و منداڵەکە بە سەختی بریندار بووە و دوای ماوەیەک شەهید بووە.
رژێمی داگیرکەری سەهیۆنی ٣٢ ڕۆژە بەردەوامە لە هێرش سەر جەنین و کەمپەکەی و لە ئەنجامی هێرشەکەدا چەندین کەس شەهید بوون و ژمارەیەکی زۆر کەس بریندار بوون و ژێرخانی شارەکە وێران کراوە.
دەیان ئۆتۆمبێلی سەربازی لە دەوروبەری نەخۆشخانەی جەنین و نەخۆشخانەی ئەلئەمال جێگیرکراون و ناسنامەی هاوڵاتیان دەپشکنن و لێکۆڵینەوەیان لەگەڵدا دەکرێت لەکاتی جووڵەکردنیان لە ناوچەکەدا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هەڵسانی لافاو لە وڵاتی بۆتسوانای کیشوەری ئەفریقا ٧ کەس گیانیان لەدەستدا.
ئەمریکا فشاری خستۆتە سەر ئۆکرانیا سەبارەت بە دەستڕاگەیشتن بە یەدەگی کانزای بەرچاوی وڵاتەکە، هەڕەشەی بڕینی دەستڕاگەیشتن بە ئینتەرنێتی مانگی دەستکردی ستارلینکی کیێڤ دەکات بۆ ئەوەی ناچاری بکات ئەو داواکارییە قبوڵ بکات.
کەتائیبی قەسام لقی سەربازی حەماس ئەمڕۆ ئەسیرێکی داگیرکەری سەهیۆنی بە ڕەچەلەک عەرەب بە پێچەوانی ٥ ئەسیری دیکە بە بێ مەراسیمی فەرمی رادەستی تیمەکانی خاچی سوور کرد.
دۆنالد ترامپ، سەرۆکی ویلایەتە یەکگرتووەکانی ئەمریکا کە رایگەیاندبوو، غەززە "شوێنێکی سەرسوڕهێنەرە"، جارێکی دیکە پشتیوانی خۆی بۆ داگیرکردنی خاکەکانی فەڵەستین نیشاندا و وتی، "نازانم بۆچی ئیسرائیل وازی لێهێنا."
