بنکەیەکی گەورەی وەقفێکی سەر بە حکومەتی ئێران کە شوێنی نیشتەجێبوون بۆ گوندنشینانی هەژار لە پارێزگای سیستان و بەلووچستان دابین دەکرد، لە هێرشێکی بۆمبی بەشێکی لەناوچوو.

ئاژانسی هەواڵی فەرمی ئیرنا لە زاری مەهدی شەمسابادی، سەرۆکی داواکاری گشتی شاری زاهیدان راگەیاند، تەقینەوەیەک کە بەهۆی "بۆمبی دەنگی" لە باڵەخانەیەکی ئۆفیسەکانی قەزای چابەهار رووی داوە و هیچ زیانێکی گیانی نەبووە.

شەمسابادی ئاماژەی بەوەشکرد، دەسەڵاتدارانی خۆجێی ڕێنمایی پێویستیان داوە بۆ لێکۆڵینەوە لە رووداوەکە.

هاوکات ئاژانسی هەواڵی نیمچە فەرمیی ئێران فارس بڵاویکردەوە، پێش تەقینەوەکە بیناکە چۆڵ کراوە.

بەگوێرەی ڕاپۆرتی هەواڵدەریی نیمچە فەرمیی ئێران، جەیش ئەلعەدل کە لەلایەن ئێرانەوە بە "رێکخراوی تیرۆریستی" وەسف دەکرێت، ڕۆژی شەممە لە بەیاننامەیەکدا بەرپرسیارێتی خۆی لە هێرشەکەی راگەیاندووە.

جەیش ئەلعەدل لە ساڵانی رابردوودا دەستی هەبووە لە چەندین هێرش بۆ سەر هێزە ئەمنییەکان و خەڵکی مەدەنی ئێران. (İLKHA)