دۆنالد ترامپ، سەرۆکی ئەمریکا لە کاتی هەڵسەنگاندنی شەڕی ئۆکرانیا و رووسیا و دانوستانەکانی ئاشتی، رایگەیاند کە ئەو هاوکاریانەی کە بە ئۆکرانیایان داوە، وەریدەگرنەوە.

دۆنالد ترامپ، جۆ بایدن، سەرۆکی پێشووی ئەمریکای بە "گەمژە و بێتوانا" وەسفکرد، وتی "ئەوروپا ١٠٠ ملیار دۆلاری بەخشی، ئەمریکا ٣٥٠ ملیار دۆلاری بەخشی. چونکە ئێمە سەرۆک و ئیدارەیەکی گەمژە و بێتوانامان هەبوو."

ترامپ وتی "پارەکانمان وەردەگرینەوە. چونکە دادپەروەرانە نییە"، ئاماژەی بەوەشکرد کە ئەوان پەیوەندییان لەگەڵ ئۆکرانیا هەبووە لەسەر ئەو پرسە، "وە دەبینین. بەڵام پێموایە زۆر نزیک بووینەتەوە لە ڕێککەوتن. باش دەبێت ئەگەر لەیەکەوە نزیک بین."

دۆنالد ترامپ بۆ دووپاتکردنەوەی بۆچوونەکانی کە دەبێت شەڕی ئۆکرانیا کۆتایی بێت، وتی، "لەگەڵ سەرۆک پوتین قسەم کردووە و پێموایە دەبێت کۆتایی پێبێت، دەبێت کۆتایی بێت. لەگەڵ سەرۆک زێلێنسکی دیدار دەکەم، لەگەڵ سەرۆک پوتین دیدار دەکەم."(İLKHA)