لە مەسقەتی پایتەختی عومان گفتوگۆی ناڕاستەوخۆی نێوان ئێران و ئەمریکا لە گەڕی سێیەمدا بەڕێوەدەچێت.

ئەمڕۆ لە شاری مەسقەتی پایتەختی وڵاتی عومان سێیەمین کۆبوونەوەی ناڕاستەخۆ لە نێوان ئێران و ئەمریکا بەڕێوەدەچێت و بڕیارە ئەمڕۆ کۆبوونەوەی تەکنیکی-شارەزایان ئەنجام بدرێت.

کازم غەریبابادی و مەجید تەخت ڕەوانچی سەرۆکایەتی تیمی تەکنیکی و پسپۆری ئێران دەکات و مایکل ئەنتۆن سەرپەرشتی تیمی ئەمریکا دەکات.

ئەمە یەکەمین خولی دانوستانی تەکنیکی و شارەزایی نێوان ئێران و ئەمریکایە کە بە شێوەیەکی ناڕاستەوخۆ بەڕێوە دەچێت.

پێش کۆبوونەوەکە وەزیری دەرەوەی ئێران و هاوتا عومانیەکەی گفتوگۆیان کرد.(İLKHA)