شاندێکی بزووتنەوەی حەماس بۆ دانوستانی فراوان لەبارەی ئاگربەست لە غەززە و ئاڵوگۆڕی ئەسیر گەشتە قاهیرەی پایتەختی میسڕ.

بە پێی راگەیەندراوی حەماس، شاندی بزووتنەوەکە بە سەرۆکایەتی محەمەد دەرویش سەرۆکی ئەنجومەنی رابەرایەتی حەماس لە قاهیرەیە. لە ناو شاندەکە چەند بەرپرسێکی باڵای حەماس وەک خالد مەشعەل، خەلیل حەیە، زاهیر جەبارین و نیزار عەوادە هەیە.

شاندەکە لە قاهیرە لەگەڵ بەرپرسانی میسڕی کۆبوویەوە. لە کۆبوونەوەکە باس لە کێشانەوەی گشتی داگیرکەران لە غەززە، کۆتایی هێنان بە شەڕ و ئاڵوگۆڕی ئەسیر دەکرێت. هەروەها گرنگی بە ئاوادانکردنەوەی دووبارەی غەززە لە دوای شەڕ دەدرێت.

هەروەها شاندی حەماس سیاسەتەکانی برسێتی و قەیرانە تەندروستییەکانی سەپاندووی داگیرکەرانی سەهیۆنی بەسەر خەڵکی غەززەدا دەخەنە بەرنامەی کار و داوا دەکەن هەنگاوی بەپەلە بۆ گەیاندنی یارمەتییە مرۆییەکان بە ناوچەکە و دابینکردنی پێداویستییە سەرەتاییەکانی خۆراک و دەرمانی غەززە بگیرێتەبەر.

هەروەها "لیژنەی پاڵپشتی کۆمەڵایەتی" بۆ پشتیوانیکردن لە ئیدارەی غەززە و هەندێک پێشهاتی گرنگ لە ناوخۆی فەلەستین و چۆنیەتی نزیکبوونەوە لەم پێشهاتانەش لە کاتی دانوستانەکاندا تاوتوێ دەکرێت.(İLKHA)