حکومەتی سوریا و دروزی جەرمانە لەبارەی کۆتاییهێنان بە شەڕ رێککەوتن
13 oC
13 oC
Güneşli
13 oC
Güneşli
دەسەڵاتدارانی سوریا و سەرکردە ناوخۆییەکانی دروز گەیشتوونەتە رێککەوتن بۆ کۆتاییهێنان بە شەڕەکانیان لە نزیک دیمەشق.
دەسەڵاتدارانی سوریا و سەرکردەکانی کۆمەڵگای خۆجێی لە ناوچەی جەرمانای دیمەشق گەیشتنە رێککەوتن بۆ گەڕاندنەوەی ئارامی دوای پێکدادانەکانی ئەم دواییە.
ئەم رێککەوتنە کە لە بەیاننامەیەکی هاوبەشدا لە لایەن هەردوولا دوای دانوستانە باڵاکان راگەیەندرا کە چوار ماددەی سەرەکی لەخۆدەگرێت کە بریتین لە دڵنیابوون لە قەرەبووکردنەوەی کەسوکاری قوربانییەکان، لێپرسینەوە لە بەرپرسانی ئەو توندوتیژییە، ڕوونکردنەوەی ڕاستییەکان بۆ ڕێگریکردن لە هاندانی تائیفەگەری و دڵنیابوون لە سەفەری سەلامەت لە نێوان پارێزگاکانی دیمەشق و سوەیدا.
لە کۆبوونەوەکەدا نوێنەرانی گوندنشینەکانی دیمەشق و شێخەکانی پێشەنگی دروز و کەسایەتییەکانی کۆمەڵگەی ناوخۆیی و مەدەنی جەرمانا کۆبوونەوە . بەرپرسان ئاماژەیان بەوەشکردووە، ڕێککەوتنەکە دەستبەجێ بە سەرپەرشتی لایەنە پەیوەندیدارەکانی حکومەت جێبەجێ دەکرێت.
ڕۆژی سێشەممە لە ناوچەکە پێکدادانێکی توند لە نێوان گروپە چەکدارە ناوخۆییەکان و چەکدارانی نەناسراو رووی دابوو. دەوترێت پێکدادانەکان بەهۆی بڵاوبوونەوەی ئۆنلاین تۆمارێکی دەنگی کە بە سووکایەتیکردن بە ئیسلام دادەنرێت، کە گوایە لەلایەن ئەندامێکی کۆمەڵگەی دروزەوە دروستکراوە، دەستیپێکردووە.
بەپێی راگەیەندراوی روانگەی سوری بۆ مافەکانی مرۆڤ کە بنکەکەی لە بەریتانیایە، لە ئەنجامی پێکدادانەکاندا لانیکەم ١٤ کەس کوژراون. باس لەوە کرا کە لە نێو ئەو کەسانەی کە کوژراون کە ٧یان دانیشتووی ناوچەکە و ٧ کەسیش ئەندامی سوپای سوریا بوون. مەزەندە دەکرێت ژمارەی بریندارەکان گەیشتبێتە ١٥ کەس و لەوانەیە ژمارەی بریندارەکان زیاد بکات.
بەرپرسانی ناوخۆ رایانگەیاند، لێکۆڵینەوەکان بەردەوامن بۆ ناسینەوەی ئەو کەسەی لە پشت تۆمارە دەنگییەکەوەیە، هەروەها ئیرادەی خۆیان دووپاتکردەوە بۆ دادگاییکردنی هەموو ئەو کەسانەی کە بوونەتە هۆی نائارامییەکان.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
مەولەوی ئەمیرخان موتەقی وەزیری دەرەوەی ئیمارەتی ئیسلامی ئەفغانستان لە دەوحەی پایتەختی قەتەر لەگەڵ محەمەد دەرویش سەرۆکی ئەنجومەنی رابەرایەتی حەماس کۆبوویەوە.
بزووتنەوەی انصارالله راگەیاند کە ئامانجەکانی گرنگی رژێمی داگیرکەر لە شاری حەیفای داگیرکراو بە مووشەکی بالیستیکی کرا ئامانج.
رێکخراوی نێودەوڵەتی لێبوردن راگەیاند، گەماڕۆی کە رژێمی داگیرکەر ٢ مانگە بە سەر غەززە سەپاندووە بە ئاشکرا نیشان دەدات کە لە غەززە تاوانی جینۆساید دەکات و بانگێشتی کرد کە هەرچی زووە کۆتایی بە گەماڕۆ بهێنێت.
لە کەنارئاوەکانی شیلی و ئەرجەنتین بوومەلەرزەیەک بە گوڕی ٧.٤ رووی دا و پێدەچێت لە ماوەی ٢ کاتژمێردا تسونامی بگاتە ناوچەکە.
