بزووتنەوەی حەماس بە بۆنەی ١ی ئایار ڕۆژی جیهانی کرێکاران پەیامێکی بڵاو کردەوە و راگەیاند، بەهۆی هێرشەکانی رژێمی داگیرکەر بۆ سەر گەلی فەلەستین بە تایبەت ئازارێکی گەورە بە سەر کرێکاراندا دێت.

بزووتنەوەی حەماس بە بۆنەی ١ی ئایار ڕۆژی جیهانی کرێکاران پەیامێکی بڵاو کردەوە و ئاماژەی بەوە کرد، کێشەکانی کە بە سەر کرێکارانی فەلەستینیدا دێن بەشێکن لە رەنگدانەوەی تراژێدیای سیستەماتیک لە لایەن داگیرکەران بە سەر گەلی فەلەستین سەپێندراوە.

لە راگەیەندراوەکە هاتووە، "ئەمساڵ یەکەمی ئایار هاوکاتە لەگەڵ قۆناغێک کە هێرشەکانی سەهیۆنییەکان دژی گەلەکەمان توندتر بووە. کرێکارانمان بەشێکی دانەبڕاون لە پەیکەری گەلەکەمان و لە دڵی خەباتی ئازادیدان. تاوانەکانی داگیرکەری دژ بە کرێکارانی فەلەستینی، سیاسەتێکی سیستماتیکە کە هەموو لایەنەکانی ژیانی مرۆڤ دەکاتە ئامانج. ئەم هێرشانە تەنیا قەیرانێکی ئابووری نین؛ هەروەها لەناوبردنی کۆمەڵایەتی و مرۆیی لەگەڵ خۆیدا دەهێنێت."

حەماس هەروەها ئیدانەی هێرش سەر دەزگای هاوکاری بە پەنابەرانی فەلەستین لە ڕۆژهەڵاتی نزیک ناسراو بە ئونروا کرد و بانگێشتی کۆتایی بە هێرشەکان کرد.

لە کۆتایی راگەیەندراوەکەدا بانگێشتی تەواوی بزووتنەوە و سەندیکاکانی کرێکاران کرا کە ١ی ئایار وەک ڕۆژی پشتگری لە گەلی فەلەستین هەڵبسەنگێنن.(İLKHA)