بزووتنەوەی خۆڕاگری ئیسلامی فەلەستین حەماس بانگێشتی دونیای کرد کە لە بەرامبەر نەتانیاهۆ و "بەکار هێنانی برسێتی وەک چەک لە دژی مەدەنییەکان" دەنگیان بەرز بکەن.

حەماس لە راگەیەندراوەکە ئاماژەی بەوە کرد، لە قۆناغێکدا کە منداڵەکان بەهۆی برسێتی دەمرن رێگریکردن لە چوونەوەی هەزاران بارهەڵگر لە دەروازەکان تاوانی جەنگییە.

لە بەردەوامی راگەیەندراوەکە هاتووە، "ئێمە پشتگیری لە هەڵوێستی دەزگاکانی نەتەوە یەکگرتووەکان دەکەین لە ڕەتکردنەوەی هەر ڕێسایەک کە ڕێز لە بنەما مرۆییەکان نەگرێت لە چوونە ژوورەوە و دابەشکردنی یارمەتییە مرۆییەکان."

حەماس لە بەردەوامی راگەیەندراوەکە ئاماژەی بەوە کرد، هەڵوێستی وڵاتانی عەرەبی و ئیسلامی رێگری لە ئاستی کارەساتی مرۆیی لە غەززە ناکات کە بەهۆی جینۆساید و برسێتی رووی داوە.

رژێمی داگیرکەری سەهیۆنی لە ١٨ی ئادار کۆتایی بە ئاگربەست هێنابوو و دووبارە دەستی بە هێرش و گەماڕۆی توند سەر غەززە کردبوو.

لە ٧ی ئۆکتۆبەری ٢٠٢٣یەوە رژێمی داگیرکەری سەهیۆنی بە پشتگیری ئەمریکا و ئەوروپا هێرش دەکاتە سەر غەززە و لە ئەنجامی هێرشەکاندا زیاتر لە ١٧٢ هەزار کەس شەهید و بریندار بوونەتە. هەروەها زیاتر لە ١٤ هەزار کەسیش بێ سەروشوێنن.(İLKHA)