رژێمی داگیرکەری سەهیۆنی رێگری لە مسوڵمانەکان کرد کە لە مزگەوتی ئیبراهیم لە شاری ئەلخەلیلی کەناری ڕۆژئاوای داگیرکراو نوێژی بەیانی ئەنجام بدەن.

بە پێی راگەیەندراوی سەرچاوەکانی خۆجێ، داگیرکەران بە بۆمبی دەنگی هێرشیان کردە سەر مسوڵمانەکانی کە بۆ نوێژی بەیانی دەچوونە مزگەوتی ئیبراهیم.

بەهۆی هێرشەکە مسوڵمانەکان ناچار مانەوە نوێژەکانیان لە دەرەوەی مزگەوت ئەنجام بدەن.

رژێمی سەهیۆنی پێشێلکارییەکانی دژی مزگەوتی ئیبراهیم بە شێوەی سیستەماتیک زیاد کردووە.

داگیرکەران زۆر جار رێگری لە وتنەوەی بانگی پیرۆز دەکەن و رێگە نادەن بەرپرسانی مزگەوت کارەکانیان بکەن و لە دەوروبەری مزگەوتەکە سەیتەرەی کۆنترۆلکردن دادەنێنن و رێگری لە مافی ئازادی عیبادەت دەکەن.

هەروەها داگیرکەران بەردەوامن لە جێبەجێکردنی پڕۆژەی جووڵەکەکردنی مزگەوتەکە و لە ناوبردنی ناسنامەی مێژوویی و ئیسلامی مزگەوتی ئیبراهیم.

داگیرکەران بەم شێوەیە دژ بە یاسا نێودەوڵەتییەکان دەجووڵێنەوە و بە شێوەی ئاشکرا هێرش دەکەن سەر ناوچە پیرۆزەکان.

وەقفەکانی ئیسلامی بۆ پاراستنی ناسنامەی ئیسلامی مزگەوتی ئیبراهیم بەردەوامن لە بەرخۆدان.(İLKHA)