رژێمی داگیرکەری سەهیۆنی لە دەریاوە هێرشی کردە سەر بەندەری حودەیدە لە یەمەن. هێرشەکە بەربەیانی لە لایەن هێزەکانی دەریایی ئەنجام درا.

هێرشەکە بۆ سەر بەندەرەکانی راس عیسا، حودەیدە و سەلیف ئەنجام درا کە لە ژێر کۆنترۆلی انصارالله-دایە.

میدیاکانی یەمەنی باس لەوە دەکەن، هێرشەکە راستەخۆ بۆ سەر ژێرخانی بەندەرەکان ئەنجام دراوە.

بە پێی راگەیەندراوی میدیاکانی رژێمی داگیرکەر، هێرشەکە بەربەیانی وەک دوو شەپۆل ئەنجام دراوە. بەڵام رژێمی داگیرکەر بە شێوەی فەرمی هێشتا سەبارەت بە هێرشەکە راگەیەندراوێکی بڵاو نەکردووە.

بزووتنەوەی انصارالله بۆ پشتوانی لە خەڵک و بەرخۆدانی غەززە بەردەوامە لە ئۆپڕاسیۆنەکانی لە دژی رژێمی داگیرکەری سەهیۆنی.

بزووتنەوەکە جەخت لەوە دەکات، تا کاتێک هێرش و گەماڕۆی سەر غەززە بەردەوام بێت ئەوانیش بەردەوام دەبن لە ئۆپڕاسیۆنەکانیان لە دژی رژێمی داگیرکەر.(İLKHA)