13 oC 
Güneşli
هێزەکانی ئاسایشی میسڕ ژمارەیەکی زۆر چالاکڤان کە بۆ بەشداری لە کاروانی پشتیوانی بۆ غەززە چوبوون میسڕ لە فڕۆکەخانەی قاهیرە دەستبەسەر کرد.
بە پێی راگەیەندراوی سەرچاوەکانی خۆجێ، ٤٠ چالاکڤانی جەزائیری کە گەشتنە قاهیرە لە فڕۆکەخانی قاهیرە دەستبەسەر کران. دەستبەسەر تەلەفۆن و بەڵگەکانی چالاکڤانەکاندا گیرا و دیپۆرت کران.
هەروەها پۆلیسی میسڕ هەڵکوتایە سەر هۆتێلی مانەوەی چالاکڤانەکانی فەڕەنسی و پەیوەندی لەگەڵیان پچڕا.
بە پێی راگەیەندراوی بەرپرسانی فڕۆکەخانەی قاهیرە، لانیکەم ١٠ هاوڵاتی مەغریب کە دیانەویست بەشداری لە رێپێوانەکە بکەن پێش لەوەی بچنە ناو وڵات لە فڕۆکەخانە گەڕێندرانەوە. هەروەها هەنێک لە چالاکڤانەکانی هاوڵاتی تورکیا بە بیانووی ئەوەی ئاڵای فەلەستینیان هەڵگرتووە دیپۆرت کران.
چالاکڤانەکانی ئافرەتی تونسی بۆ ماوەی چەندین کاتژمێر لە فڕۆکەخانە دەستبەسەر کران و لێپرسینەوەیان لەگەڵ کرا.
وەزارەتی دەرەوەی میسڕ لە راگەیەندراوێکی نووسراو باسی لەوە کرد، "رێگە بە هیچ کەسێک نادرێت بە بێ ئەوەی هەماهەنگی لەگەڵ بەرپرسانی فەرمی بهێنە ناو خاکەکانی میسڕ."
لە بەردەوامی راگەیەندراوەکە هاتووە، "هەستی هاوپشتی لەگەڵ گەلی فەلەستین بەرز دەنرخێنرێت، بەڵام ئەم جۆرە دەستپێشخەرییانە کە سەروەری دەوڵەت و ئاسایشی سنوورەکان پێشێل دەکەن، تەحەمول ناکرێت."
لە میدیاکانی عەرەبی باس لەوە دەکرێت، ئیسرائیل کاتز بەناو وەزیری بەرگری رژێمی داگیرکەر فشاری فەرمی بە سەر میسڕ سەپاندووە و هۆشداری داوە کە گەشتنی کاروانەکە بۆ غەززە "هەڕەشەی ئاسایشی"ـیە.
ئەم جۆرە کاروانە نێودەوڵەتیانە کە بۆ شکاندنی گەمارۆی سەر غەززە و گەیاندنی یارمەتییە مرۆییەکان داڕێژراون، لە ڕابردوودا کاریگەر بوون لە ڕاکێشانی سەرنجی خەڵک بۆ ناوچەکە. بەڵام هەڵوێستی توندی میسڕ دەتوانێت ببێتە هۆی قەیرانێکی دیپلۆماسی نوێ لەسەر ئاستی ناوچەکە.
ڕۆژنامەنووسان و داکۆکیکارانی مافی مرۆڤ دەڵێن "ڕێگریکردن لە هاتنی خەڵکی مەدەنی بۆ یارمەتی مرۆیی" پێچەوانەی یاسا نێودەوڵەتییەکانە و دەبێت دەستبەجێ ئازاد بکرێن. داخستنی ڕێگاکانی غەززە، کارەساتی مرۆیی لە ناوچەکەدا زیاتر قووڵتر دەکاتەوە.
لە ئێستادا لانیکەم ٤٠ جەزائیری و زیاتر لە ١٠ مەغریبی و زۆرێک لە چالاکڤانانی فەرەنسی و تونسی و تورکیایی لە فڕۆکەخانە یان لە هۆتێلەکاندا دەستبەسەرن. هەندێکیان دیپۆرت کراون، پرۆسەکە بۆ هەندێکی تر بەردەوامە. گەیشتنی ئەو کاروانە بۆ شاری رەفەح بۆ ئێستا نادیارە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
هێرشەکانی رژێمی سەهیۆنی بۆ سەر ئێران، شوێنی نیشتەجێبوونی مەدەنیی کردە ئامانج. لە هێرشی سەر کۆمەڵگەی نیشتەجێبوونی چەمران لە تاران ٦٠ کەسی مەدەنی شەهید بوون. ئێران رایگەیاند کە تۆڵەسەندنەوە بەردەوام دەبێت و هێرشەکان بێ سزا نابن.
عیزەت ئەلریشق ئەندامی مەکتەبی سیاسی بزووتنەوەی حەماس جەختی کرد کە هێرشی مووشەکی و فڕۆکەی بێفڕۆکەوانی ئێران لە دژی رژێمی سەهیۆنی پەیامێکی ڕوونە بۆ بەرەی خۆڕاگری و وتی، "هەرکەسێک هێرش بکات باجەکەی دەدات."
ئێران لە پڕۆسەی تۆڵەسەندنەوە کە لە کاردانەوە بە هێرشەکانی ڕژێمی سەهیۆنی دەستیپێکردووە، دەچێتە قۆناغێکی نوێوە. سەرچاوە سەربازییەکانی ئێران رایانگەیاند کە لە چەند ڕۆژی داهاتوودا نەک تەنها ناوچە داگیرکراوەکان بەلکو بنکەکانی ئەمریکا لە ناوچەکە دەکرێنە ئامانج.
کەتائیبی قەسام لقی سەربازی بزووتنەوەی حەماس راگەیاند، لە ئەنجامی ئۆپڕاسیۆنێکی کەمینی لە ناوچەی بەیت لاهیا لە باکووری کەرتی غەززە گروپێک سەربازی داگیرکەر کوژران و بریندار کران.
