خزمەتگوزاری ئینتەرنێت و هێڵی پەیوەندی لە غەززە بە تەواوی پچڕا
13 oC
13 oC
Güneşli
13 oC
Güneşli
دەسەڵاتی رێکخستنی پەیوەندییەکانی فەلەستین ئەمڕۆ راگەیاند، خزمەتی ئینەترنێت و پەیوەندییەکانی هێڵی زەمینی لە کەرتی غەززە بە تەواوی پچڕاوە. هۆکاری پچڕانەکە وەک دوا خاڵی سەرەکی پەیوەندییەکانی هێڵەکانی فایبەر روونکرایەوە کە دەکرێنە ئامانج و لەکاردەخرێن.
دامەزراوەکە رایگەیاندووە کە گۆشەگیری دیجیتاڵی لە غەززە لە زیادبووندایە. بەگوێرەی راگەیەندراوەکە، ڕێڕەوی پەیوەندیی بەدیل کە پێشتر پچڕاوە و چەندین جار هەوڵی گەڕاندنەوەی درابوو، بەهۆی هێرشی سیستماتیکی بۆ سەر ژێرخانی پەیوەندییەکان، لەکارکەوتوون.
بەپێی زانیارییەکان، ناوچەکانی ناوەڕاست و باشووری غەززە، لەگەڵ شاری غەززە و ناوچەکانی باکوور کە پێشتر لە پەیوەندییەکان پچڕابوون، بۆ دووەم ڕۆژ لەسەریەک بە تەواوی دابڕان، بەهۆی ئەوەی تۆڕەکانی پەیوەندییەکان و هێڵە سەرەکییە گرنگەکان کرانە ئامانج.
دامەزراوەکە ئاماژەی بەوەشکردووە، هێرشکردنە سەر ژێرخانی پەیوەندییەکان مەترسی ئەوەی هەیە کە کەرتی غەززە بە تەواوی لە جیهان ببڕێت. ئەم پچڕانانە ڕێگری دەکەن لە دەستڕاگەیشتن بە خزمەتگوزارییە سەرەتاییەکانی وەک یارمەتییە مرۆییەکان، چاودێری تەندروستی، میدیا و پەروەردە خەڵک.
لە راگەیەندراوەکەدا جەخت لەوە کراوەتەوە کە پەکخستنی خزمەتگوزارییەکانی پەیوەندییەکان لێکەوتەی مرۆیی و کۆمەڵایەتی جددی دەبێت. بۆیە دامەزراوەکە داوای لە رێکخراوە ناوخۆیی و نێودەوڵەتییە پەیوەندیدارەکان کردووە کە بەپەلە هەنگاو بنێن بۆ دڵنیابوون لەوەی تیمە تەکنیکییەکان دەتوانن بە سەلامەتی بگەنە ناوچە زیانلێکەوتووەکان و چاکسازیی پێویست ئەنجام بدەن.
هەروەها دامەزراوەکە رایگەیاندووە کە رژێمی داگیرکەر ڕێگری لە تیمە تەکنیکیەکان کردووە کە ئەو کابڵە ڕیشاڵیانە چاک بکەنەوە کە دوێنێ بڕدرابوون و هەروەها چوونە ژوورەوەی بۆ ڕێگا بەدیلەکان سنووردار کردووە. سەرەڕای هەوڵی جۆراوجۆر بۆ نۆژەنکردنەوەی ئەو ڕێگایانە بۆ ماوەی چەند مانگێک، رژێم ڕێگەی بەو کارانە نەدا.
لە دوای هێرشەکانی ٧ی ئۆکتۆبەری ٢٠٢٣، چەندین جار خزمەتگوزاری پەیوەندی و ئینتەرنێت لە غەززە پچڕاوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
هێرشەکانی رژێمی سەهیۆنی بۆ سەر ئێران، شوێنی نیشتەجێبوونی مەدەنیی کردە ئامانج. لە هێرشی سەر کۆمەڵگەی نیشتەجێبوونی چەمران لە تاران ٦٠ کەسی مەدەنی شەهید بوون. ئێران رایگەیاند کە تۆڵەسەندنەوە بەردەوام دەبێت و هێرشەکان بێ سزا نابن.
عیزەت ئەلریشق ئەندامی مەکتەبی سیاسی بزووتنەوەی حەماس جەختی کرد کە هێرشی مووشەکی و فڕۆکەی بێفڕۆکەوانی ئێران لە دژی رژێمی سەهیۆنی پەیامێکی ڕوونە بۆ بەرەی خۆڕاگری و وتی، "هەرکەسێک هێرش بکات باجەکەی دەدات."
ئێران لە پڕۆسەی تۆڵەسەندنەوە کە لە کاردانەوە بە هێرشەکانی ڕژێمی سەهیۆنی دەستیپێکردووە، دەچێتە قۆناغێکی نوێوە. سەرچاوە سەربازییەکانی ئێران رایانگەیاند کە لە چەند ڕۆژی داهاتوودا نەک تەنها ناوچە داگیرکراوەکان بەلکو بنکەکانی ئەمریکا لە ناوچەکە دەکرێنە ئامانج.
کەتائیبی قەسام لقی سەربازی بزووتنەوەی حەماس راگەیاند، لە ئەنجامی ئۆپڕاسیۆنێکی کەمینی لە ناوچەی بەیت لاهیا لە باکووری کەرتی غەززە گروپێک سەربازی داگیرکەر کوژران و بریندار کران.
