سەلامی فەرماندەی سوپای پاسداران شەهید بوو
13 oC
13 oC
Güneşli
13 oC
Güneşli
سەردار حوسێن سەلامی فەرماندەی سوپای پاسداران لە هێرشی ئاسمانی رژێمی سەهیۆنی بۆ سەر تارانی پایتەختی ئێران شەهید بوو.
میدیاکانی ئێرانی رایانگەیاند، سەر لە بەیانی ئەمڕۆ لە ئەنجامی هێرشی رژێمی داگیرکەری سەهیۆنی بۆ سەر تارانی پایتەخت سەردار حوسێن سەلامی فەرماندەی سوپای پاسداران شەهید بوو. هەروەها راگەیەندرا، دوو لە زانیانی ناوۆکی ئێران بە ناوەکانی فەریدون عەباسی و محەمەد مەهدی تارانچی لە هێرشەکەدا شەهید بوون.
راگەیەندرا کە ئەو هێرشە لە لایەن دەیان فڕۆکەی جەنگی سەر بە رژێمی سەهیۆنی ئەنجام دراوە و دامەزراوەی ئەتۆمی نەتەنز، بارەگا و ناوەندەکانی فەرماندەیی سوپای پاسداران لە شوێنە ئامانجدارەکان بوون.
سەرچاوە فەرمییەکانی ئێران رایانگەیاند کە ماوەی ماتەمینی سەرتاسەری بۆ فەرماندەی شەهید سەلامی راگەیەندراوە و وەڵامی هەمەلایەنە بۆ هێرشەکە دەدرێتەوە.
راگەیەندرا کە سیستەمی بەرگری ئاسمانی ئێران لە ئامادەباشییەکی زۆردایە و پەناگە لە تارانی پایتەخت کرایەوە. داوای ئارامگرتن لە خەڵک کرا، لە هەمان کاتدا عێراق ئاسمانی خۆی بەڕووی هەموو گەشتەکانیدا داخست.
مارکۆ ڕوبیۆ وەزیری دەرەوەی داگیرکەری ئەمریکا ڕایگەیاند کە ئەوان پشتیوانی لە ئۆپەراسیۆنی ڕژێمی زایۆنی ناکەن و وتی، "ئێمە بەشداری لە هێرشەکاندا ناکەین، ئێران نابێت ئێمە بکاتە ئامانج."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
هێرشەکانی رژێمی سەهیۆنی بۆ سەر ئێران، شوێنی نیشتەجێبوونی مەدەنیی کردە ئامانج. لە هێرشی سەر کۆمەڵگەی نیشتەجێبوونی چەمران لە تاران ٦٠ کەسی مەدەنی شەهید بوون. ئێران رایگەیاند کە تۆڵەسەندنەوە بەردەوام دەبێت و هێرشەکان بێ سزا نابن.
عیزەت ئەلریشق ئەندامی مەکتەبی سیاسی بزووتنەوەی حەماس جەختی کرد کە هێرشی مووشەکی و فڕۆکەی بێفڕۆکەوانی ئێران لە دژی رژێمی سەهیۆنی پەیامێکی ڕوونە بۆ بەرەی خۆڕاگری و وتی، "هەرکەسێک هێرش بکات باجەکەی دەدات."
ئێران لە پڕۆسەی تۆڵەسەندنەوە کە لە کاردانەوە بە هێرشەکانی ڕژێمی سەهیۆنی دەستیپێکردووە، دەچێتە قۆناغێکی نوێوە. سەرچاوە سەربازییەکانی ئێران رایانگەیاند کە لە چەند ڕۆژی داهاتوودا نەک تەنها ناوچە داگیرکراوەکان بەلکو بنکەکانی ئەمریکا لە ناوچەکە دەکرێنە ئامانج.
کەتائیبی قەسام لقی سەربازی بزووتنەوەی حەماس راگەیاند، لە ئەنجامی ئۆپڕاسیۆنێکی کەمینی لە ناوچەی بەیت لاهیا لە باکووری کەرتی غەززە گروپێک سەربازی داگیرکەر کوژران و بریندار کران.
