ئایەتوڵڵا خامنەیی ڕێبەری باڵای شۆڕشی ئیسلامی ئێران لە پەیامێکی تەلەفزیۆنیدا بۆ نەتەوەی ئێران وتی، "هێزە چەکدارەکان بە هێزەوە هەڵسوکەوت دەکەن و رژێمی دزێوی سەهیۆنی بەدبەخت دەکەن."

ڕێبەری باڵای شۆڕشی ئیسلامی ئێران لە پەیامێکی تەلەفزیۆنیدا بۆ نەتەوەی ئێران وتی، "هێزە چەکدارەکان بە هێزەوە هەڵسوکەوت دەکەن."

ئایەتوڵڵا خامنەیی وتی، "رژێمی سەهیۆنی بێ زیان لەم تاوانە ڕزگاری نابێت و نەتەوەی ئێرانیش دڵنیا دەبێت کە لەم ڕووەوە درێغی ناکرێت."

ناوبراو وتی، "رژێمی سەهیۆنی هەڵەیەکی گەورەی کرد، هەڵەیەکی کرد و دەرئەنجامەکانیشی بەدبەختی دەکات، إن شاء اللە. میللەتی ئێران لە خوێنی شەهیدە بەنرخەکانی خۆش نابێت، پێشێلکردنی ئاسمانی وڵاتەکەی قبوڵ ناکات. هێزە چەکدارەکانمان ئامادەن، بەرپرسانی وڵات و هەموو گەلی ئێران لە پشت هێزە چەکدارەکانەوەن. ئەمڕۆش پەیامی هاوشێوە لە هەموو کوتلە سیاسییە جیاوازەکانی وڵات و هاوڵاتیانەوە بڵاوکرایەوە. هەمووان هەست دەکەن کە دەبێت بە زۆر وڵامی ڕژێمی سەهیۆنی بدرێتەوە.

دەبێت بە زەبری هێز هەڵمەت بکەین و إن شاء اللە بە زەبری هێز مامەڵە دەکەین و سازشیان لەگەڵ ناکەین. بێ گومان ژیان بۆیان تاڵ دەبێت. وا مەزانن کە لێیان داوە و تەواو بووە. نەخێر ئەوان دەستیان بە شەڕ کرد. ئێمە ڕێگایان پێنادەین لەم تاوانە گەورەیەی کە کردوویانە ڕزگاریان بێت. هێزە چەکدارەکانی کۆماری ئیسلامی بە دڵنیاییەوە گورزی قورس لەم دوژمنە دزێوە دەدەن. هەروەها میللەت لایەنگری ئێمەیە، لایەنگری هێزە چەکدارەکانە و کۆماری ئیسلامیش بە ئیزنی خودا ڕژێمی سەهیۆنی دەشکێنێت."(İLKHA)