لە ئەنجامی هێرشی سوپای داگیرکەری سەهیۆنی بۆ سەر مەدەنییەکان لە غەززە کە چاوەڕوانی وەرگرتنی هاوکاری مرۆیی بوون ١٣ کەس شەهید بوون و زیاتر لە ٧٠ کەسیش بریندار بوون.

سوپای داگیرکەری سەهیۆنی بەردەوامە لە هێرش و کۆمەڵکوژییەکانی لە دژی مەدەنییەکان لە غەززە. لە ئەنجامی هێرشەکانی کۆتاییدا ١٣ فەلەستینی شەهید بوون و زیاتر لە ٧٠ کەسیش بریندار بوون.

دوێنی هێرشێکی بەم شێوەیە لە خان یونس و رەفەح ئەنجام درابوو و لە ئەنجامی هێرشەکاندا زیاتر لە ٦٠ کەس شەهید بوبوون و نزیکەی ٢٠٠ کەسیش بریندار بوبوون.

رژێمی داگیرکەری سەهیۆنی لە ٢ی ئادارەوە تەواوی دەروازەکانی غەززەی داخستووە و رێگە بە چوونەوە ژوورەوەی هیچ جۆرە خۆراک و دەرمان و سووتەمەنیێک بۆ ناو غەززە نادات. لە ڕۆژانی کۆتاییدا هێرش بۆ سەر خاڵەکانی دابەشکردنی هاوکاری مرۆیی زیاد بووە و بەرپرسانی نەتەوە یەکگرتووەکان ئەم دۆخە وەک "هەوڵی کۆچی زۆڕەمڵێ و پاکتاوکردنی نەتەوەیی" وەسف کرد.

لە ٢٧ ئایارەوە لە ئەنجامی هێرش سەر خاڵەکانی دابەشکردنی هاوکارییەکان زیاتر لە ٣٠٠ کەس شەهید بوون و دەیان کەسیش بریندار بوون.

رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە بەردەوامە لە هێرشەکانی سەر غەززە. لە ئەنجامی هێرش و کۆمەڵکوژییەکاندا زیاتر لە ١٨٥ هەزار کەس شەهید و بریندار بوونەتە و هەزاران کەسیش بێ سەروشوێنن.

لە ناوچەکە قەیرانی مرۆیی ڕۆژ بە ڕۆژ قوڵتر دەبێت و ئەم کۆمەڵکوژیانە لە پێش چاوی دونیا بە پشتیوانی بێ دەنگی کۆمەڵگەی نێودەوڵەتی ئەنجام دەدرێت.(İLKHA)