زەکەریا یاپجیئۆغلو سەرۆکی گشتی هودا پار لە کۆنگرەیەکی ڕۆژنامەوانیدا سەبارەت بە لێکۆڵینەوەکانی دەستووری نوێ رایگەیاند، "دەمانەوێت دەستوورێک بهێنین کە لە ئاست خواست و چاوەڕوانییەکانی میللەتدا بێت بۆ ئەم میللەتە."

زەکەریا یاپجیئۆغلو سەرۆکی گشتی هودا پار لە کۆنگرە ڕۆژنامەوانییەکەی کە لە پارێزگای قەیسەریە سازکرا، باس لە چەند پرسی گرنگی ڕۆژەڤ کرد.

یاپجیئۆغلو ئاماژەی بەوە کرد کە "ئەم پەرلەمانە ماف و توانای هەیە دەستوورێکی نوێ ئامادە بکات" و دواتر وتی، "بە لەبەرچاوگرتنی ئەوەی کە ١٦ لایەنی سیاسی جیاواز لە پەرلەماندا هەن، ئەگەر بڕیار بێت دەستوور وەک گرێبەستێکی کۆمەڵایەتی قبوڵ بکرێت، پێمان وایە کە ئێستا گونجاوترین قۆناغە. بە دڵنیاییەوە پێویستە لایەنە سیاسییەکان کۆببنەوە، بەدوای خاڵی هاوبەشدا بگەڕێن و بیدۆزنەوە. ئەم دەستوورە چۆن دەبێت بەپێی ئەو زەمینە هاوبەشەی کە دامەزراوە سیاسییەکە دەیدۆزێتەوە، لە قاڵب دەدرێت. بە بۆچوونی ئێمە ئەگەر هەموو لایەنە سیاسییەکان لە یەک خاڵدا کۆببنەوە، وەک دەزانن، مەرج نییە دەستوور کە بە ٤٠٠ دەنگ بە پێی دەستوور وەرگیرا، بخرێتە ڕیفراندۆمەوە، بەڵکو دەڵێین تەنانەت لەم حاڵەتەشدا بە دڵنیاییەوە دەبێت ڕەزامەندی هاوڵاتیان جێبەجێ بکرێت. لەو حاڵەتەدا کەس ناتوانێت باسی شەرعیەتی ئەم دەستوورە بکات. بێگومان هیچ لایەنێک ماف و دەسەڵاتی ئەوەی نییە بڕیار بدات کە چ جۆرە دەستورێک دەبێت. بێگومان هەرکەسێک دید و چاوەڕوانی و پێویستی خۆی هەیە. با کۆببینەوە. با دابنیشین و قسە بکەین. ئێمە دەمانەوێت دەستوورێک بهێنین کە لە ئاست داواکاری و چاوەڕوانییەکانی میللەتدا بێت بۆ ئەم میللەتە."

"دانانی ماددە نەگۆڕەکان لە دەستووردا ڕەهنکردنی ئیرادەی نەوەکانی داهاتووە"

یاپجیئۆغلو لە بەردەوامی جەختی لەوە کرد کە دەبێت لە ناو دەستووردا ماددە نەگۆڕەکان نەبێت و دواتر وتی، "ئێمە دەڵێین 'دانانی ماددە نەگۆڕەکان لە دەستووردا، ڕەهنکردنی ئیرادەی نەوەکانی داهاتووە'. ئەگەر هەر کەسێک هەوڵی هێنانەوەی رژێمی سوڵتانی بدات، ئێمە یەکەم کەس دەبین دژایەتی دەکەین. چونکە بە پێی باوەڕی ئێمە میللەت دەبێت ئەو کەسانە هەڵبژێرێت و مافی خۆی ھەڵبژێرێت کە حوکمڕانی دەکات. ئەمەیە کە ئێوە پێی دەڵێن کۆمار. کاتێک دەڵێین 'با ئیرادەی نەوەکانی داهاتوو ڕەهن نەکەین' دەڵێن 'ئەوان دژی سروودی نیشتمانین، دژی ئاڵان، پایتەخت دەجوڵێنن'. ئەمە قسەی بێمانایە."

"لە سوریا ڕژێمێکی ستەمکار وەک رژێمی بەعس هەبوو"

ڕۆژنامەنووسێک پرسیاری کرد، ئایا گۆڕانکاری لە سیاسەتی سوریاتاندا ڕووی داوە یان دەبێت؟ لە وەڵامی ئەو پرسیارەدا، یاپیجیئۆغلو وتی، "سیاسەتی ئێمە سەبارەت بە سوریا هەر لە سەرەتاوە وەک خۆی بووە، لە سوریا رژێمێکی ستەمکار هەبووە، هاوشێوەی ڕژێمی بەعس، ئێمە هەر لە سەرەتاوە دەمانگوت کە ئەم ڕژێمە بە دڵنیاییەوە دەبێت بگۆڕێت و دەبێت کۆتایی بەو زوڵم و ستەمانە بێت. سوپاس بۆ خوا، ئەو رژێمە ستەمکارە ئێستا نەماوە، ئێمە ئەو کاتە و دواتر گوتمان، ‘سیستەمی تازە دامەزراو دەبێت هەموو خەڵکی سوریا بە بیروباوەڕی جیاواز و ناسنامەی نەتەوەیی خۆیان بگرێتەوە.' نابێت کەس خۆی وەک دەرەکی ببینێت و سیستەمێکی دادپەروەرانەش دامەزرابێت کە هەمووان بتوانن بڵێن، 'ئەم دەوڵەتە تازە دامەزراوە دەوڵەتی منە، دیمەشق پایتەختی منیشە.' بە بۆچوونی ئێمە مەرجی یەکەم بۆ دامەزراندنی سیستەمێکی دادپەروەرانە ئەوەیە کە لەگەڵ بیروباوەڕی کۆمەڵگادا ئاشتی بێت، هیوادارین کە سوریا بەم شتە بگات، ان شاء الله ئەرکی وڵاتانی دراوسێ و کۆمەڵگەی نێودەوڵەتی لەسەر ئەم پرسە دەبێت دەستیان بگرن بۆ ئەوەی ئەم ئیدارەیە بتوانێت سەرکەوتوو بێت لەو پرسانەی کە باسم کرد."(İLKHA)