لە ئەنجامی هێرشەکانی رژێمی داگیرکەری سەهیۆنی بۆ سەر خەلکی مەدەنی لە غەززە دەیان کەس شەهید و بریندار بوون.

هێرشەکان کە لە کاتژمێرەکانی سەرەتای بەیانییەوە لە ناوچە جیاجیاکانی غەززە دەستیان پێکرد، دیسانەوە خەڵکی سڤیلیان کردە ئامانج.

ئەو چادرانەی کە خێزانە ئاوارەکان تێیدا دەمێننەوە لە ناوچەی مەواسی لە خان یونس لەلایەن فڕۆکە جەنگییەکانی سەهیۆنییەکانەوە کرانە ئامانج.

بە پێی زانیارییە سەرەتاییەکان، ٦ کەس شەهید بوون و ١٠ کەسیش بریندار بوون کە هەنێکیان منداڵ بوون. ئەم ناوچەیە پێشتر لەلایەن داگیرکەرانەوە وەک "ناوچەی سەلامەت" ناسێندرابوو.

سەرچاوە تەندروستییەکان باس لەوە دەکەن، لە بەیانیەوە لە ئەنجامی هێرشەکاندا لانیکمە ٣٢ کەس لە غەززە و ٢٤ کەسیش لە خان یونس شەهید بوونەتە.

دوێنێ کۆمەڵکوژییەکانی داگیرکەران لە غەززە بێ وەستان بەردەوام بوون و نزیکەی ١٠٠ فەلەستینی شەهید بوون.

رژێمی داگیرکەر لە ٧ی ئۆکتۆبەری ٢٠٢٣یەوە بەردەوامە لە هێرش سەر غەززە و لە ئەنجامی هێرشەکاندا زیاتر لە ١٩٠ هەزار کەس شەهید و بریندار بوونەتە.(İLKHA)