دۆنالد ترامپ، سەرۆکی ویلایەتە یەکگرتووەکانی ئەمریکا رایگەیاند، دەکرێت لەم هەفتەیەدا ڕێککەوتنی ئاگربەست بکرێت لە دانوستانەکان بۆ کۆتاییهێنان بە شەڕی غەززە.

دۆنالد ترامپ ڕۆژی هەینی ٤ی تەمموز لە بەرنامەی ئایر فۆرس ون بە ڕۆژنامەنووسانی راگەیاند، "ئەوە شتێکی خۆشە کە ببیستین بزووتنەوەی حەماس بە ئەرێنی پێشوازی لە پێشنیارەکەمان دەکات. ئێمە ناچاری بۆ غەززە شتێک بکەین. زۆر پارە و هاوکاری دەنێرینە بۆ ئەوێ." بەڵام ترامپ جەختیشی لەوە کردەوە کە هێشتا زانیاری لەسەر دۆخی دانوستانەکان نەدراوە و زانیاری وردی پێنەگەیشتووە.

حەماس شەوی رابردوو رایگەیاند کە ڕاوێژ و وتووێژە ناوخۆییەکانی لەگەڵ گرووپە فەلەستینییەکان تەواو کردووە و "وەڵامێکی ئەرێنییان پێشکەش بە ناوبژیوانانی برا" کردووە. بزووتنەوەکە رایگەیاند کە ئامادەیە بۆ "دەستپێکردنی دانوستانی جددی" بۆ ئاگربەستی هەمیشەیی و کۆتاییهێنان بە هێرشەکان.

بەگوێرەی میدیاکانی داگیرکەر، وەڵامی حەماس گەیشتووەتە تەلئەبیب و لایەنی داگیرکەر دەستی کردووە بە هەڵسەنگاندنی ئەم وەڵامە. بە پێی ڕاپۆرتی تەلەفزیۆنی کەناڵی ١٢، بڕیارە بەم زووانە تیمی دانوستانکاری رژیمی داگیرکەر بچنە دۆحە بۆ تاوتوێکردنی وردەکارییەکانی ڕەشنووسەکەی حەماس. پێشبینی دەکرێت ئەم وتووێژانە ناڕاستەوخۆ بن و ڕەنگە ڕۆژ و نیوێک بخایەنێت.

لە لایەکی دیکەوە باس لەوە دەکرێت کە لە پرۆسەی ڕێککەوتنەکەش لە نێوان رژێمی داگیرکاریدا گرژی هەیە. بە گوتەی یەدیوت ئەهرۆنۆت، یەکێک لە ڕۆژنامە ڕاستڕەوەکانی چاپەمەنی داگیرکەر، لە کۆبوونەوەی کابینەی ئەمنی کە ڕۆژی پێنجشەممە بەڕێوەچوو، گفتوگۆی توند لەنێوان بەناو سەرۆکوەزیران نەتانیاهۆ و ئیال زەمیر بەناو سەرۆکی ئەرکانی گشتیدا هەبووە.

سەرچاوە داگیرکەرەکان رایانگەیاندووە کە ڕەنگە ترامپ و نەتانیاهۆ سەرۆکی ئەمریکا لە کۆبوونەوەی ڕۆژی دووشەممەدا لە واشنتۆن ڕێککەوتنی ئەگەری ئاگربەست بە ڕای گشتی رابگەیەنن.(İLKHA)