13 oC 
Güneşli
رژێمی سەهیۆنی بەتەواوەتی ڕاوکردنی ماسی لە کەناراوەکانی غەززە قەدەغە کردووە و رێگە نادات فەلەستینییەکان کە تووشی قەیرانی برسێتی بوونەتە ماسیش بگرن. ماسیگرەکان قەدەغەیە تەنانەت چەند مەترێک لە کەنارەوە ماسی بگرن.
سوپای رژێمی سەهیۆنی رایگەیاند کە لە بەرەبەیانی ڕۆژی شەممەوە هەموو چالاکییەکانی ماسیگرتن لە کەناراوەکانی کەرتی غەززە قەدەغە کردووە.
لە بەیاننامەکەدا هاتووە، کەشتیوانی "لەبەر هۆکاری ئەمنی" قەدەغەیە و بە ئاشکرا هەڕەشە لە ماسیگرەکان کراوە.
ماسیگرتن بەدرێژایی کەناراوەکانی غەززە پایەیەکی سەرەکی بوو بۆ هەزاران کەس کە لە سێبەری شەڕدا هەوڵ مانەوە لە ژیانیان دەدا. بەڵام ماسیگرەکان کە پێشتر ڕێگەیان پێدراوە لە ناوچەیەکی تەسکدا ماسی بگرن کە تەنها مەترێک لە کەنارەوە دوورە، ئێستا بە تەواوی لە دەریادا قەدەغەکراون.
ئەم قەدەغەکردنە لە کاتێکدایە کە قەیرانی بەربڵاوی برسێتی و بەدخۆراکی لە غەززە زاڵ بووە بەهۆی گەماڕۆی رژێمی سەهیۆنی بۆ سەر غەززە.
ئەم هەنگاوە جارێکی تر دەریخست کە گەمارۆکە نەک تەنها لە سنوورە وشکانییەکان بەڵکو لە دەریاکانیشدا بەردەوامە و هەموو فەزای ژیانی خەڵکی غەززە بە ئەنقەست دەکرێنە ئامانج.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئەحمەد شەرع سەرۆک کۆامری سوریا کە لە ئەنجامی سەردانێکی فەرمی لە ئازەربایجان بوو لەگەڵ ئیلهام عەلیێڤ سەرۆک کۆماری ئازەربایجان کۆبوویەوە.
بەرەبەیانی ڕۆژی شەممە، کەرەستەی بیناسازی سەر بە کۆمەڵێک داگیرکەری جوولەکە توندڕەوەکان هێرشیان کردە سەر باشووری ڕۆژهەڵاتی جەنین، لە کەناری ڕۆژئاوای داگیرکراو و ڕووبەرێکی زۆری زەوی فەلەستینییەکان بە بولدۆزەر لەناو برد.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٧ هەزار و ٨٨٢ کەس و ژمارەی بریندارەکانیش گەشتە ١٣٨ هەزار و ٩٥ کەس.
سەهیۆنییەکانی داگیرکەر دوێنێ و ئەمڕۆ بەیانی هەڵکوتانە سەر کەناری ڕۆژئاوا و لانیکەم ١١ فەلەستینییان دەستبەسەر کرد.
