حەماس پلانی نەتانیاهۆی بۆ داگیرکردنی غەززە بە توندی ئیدانە کرد و بە پلانێکی جینۆسایدی ناوبرد کە دانوستانەکان تێکدەدات.

حەماس کاردانەوەی توندی بەرامبەر بە لێدوانەکانی بنیامین نەتانیاهۆ بەناو سەرۆک وەزیرانی رژێمی سەهیۆنی سەبارەت بە داگیرکردنی کەرتی غەززە نیشان دا.

حەماس لە بەیاننامەیەکدا ڕایگەیاند کە لێدوانەکانی ئەم دواییەی نەتانیاهۆ "لێدانێکی ڕوونە بۆ تێکدانی دانوستانەکان"، جەختیشی لەوە کردەوە کە مەبەستی ڕاستەقینەی داگیرکەری ئاشکرا بووە. بزووتنەوەکە ئاماژەی بەوەدا کە ئامانجی ئەو پلانەی کە باسی لێوە دەکرێت درێژەدان بە سیاسەتی جینۆساید و کۆچی زۆرەملێی خۆی بووە.

"غەززە کڕنۆش نادات"

لە بەیاننامەکەدا وەبیری هێنایەوە کە حەماس و گروپە خۆڕاگرییەکانی دیکە لە مەیدانەکەدا زیانێکی زۆریان بەسەر سوپای داگیرکەردا گەیاندووە، جەختیش لەوە کراوەتەوە کە هەرگیز ناتوانرێت دەست بەسەر غەززەدا بگیرێت و "غەززە بەردەوام دەبێت لە وەستانەوە بەرامبەر داگیرکاری و سەپاندنی پەروەردەی دەرەکی."

هەروەها حەماس هۆشداری دا لەوەی فراوانکردنی هێرشەکە "پیکنیک نییە، بەڵکو سەرگەرمییەک دەبێت کە لێکەوتەی سەختی دەبێت." ئاماژەی بەوەشکردووە، نەتانیاهۆ دەیەوێت پلانەکانی لەسەر حیسابی سەربازە دیلەکانی بۆ بەرژەوەندییە سیاسییەکانی خۆی و ئەجێندای ئایدۆلۆژیای ڕاستڕەوی توندڕەو بەدیبهێنێت.

"نابێت کۆمەڵگەی نێودەوڵەتی بێدەنگ بێت"

لە بەیاننامەکەدا داوا لە جیهانی عەرەبی و ئیسلامیش کراوە، "پێویستە هەنگاوی بەپەلە بگیرێتەبەر بۆ شەرمەزارکردنی ئەو لێدوانە مەترسیدارانە و کۆتاییهێنان بە داگیرکاری. پێویستە دان بە مافی چارەی خۆنووسینی گەلی فەلەستیندا بنرێت، داگیرکەرانیش لەسەر تاوانە جەنگییەکانیان دادگایی بکرێن."(İLKHA)