13 oC 
Güneşli
گروپە خۆڕاگرییەکانی فەلەستین میکانیزمی دابەشکردنی یارمەتییەکانی ئەمریکایان بە "تەڵەی مەرگ" وەسف کرد و ڕایانگەیاند کە لانیکەم هەزار بارهەڵگری هاوکاری لە غەززە پێویستن. داواشیان لە نەتەوە یەکگرتووەکان و ڕێکخراوە نێودەوڵەتییەکان کرد کە بەپەلە هەنگاو بنێن بۆ ڕووبەڕووبوونەوەی برسێتی و داڕمانی سیستەمی چاودێری تەندروستی.
گروپە خۆڕاگرییەکانی فەلەستین ڕایانگەیاندووە کە میکانیزمی دابەشکردنی یارمەتییەکان کە لەلایەن ئەمریکاوە جێبەجێ کراوە، بووەتە هۆی کوژران و برینداربوونی هەزاران هاوڵاتی مەدەنی، هەروەها بووەتە "تەڵەی مەرگ."
لە ڕاگەیەندراوەکەدا جەخت لەوە کراوەتەوە کە کەرتی غەززە بەپەلە پێویستی بە لانیکەم هەزار بارهەڵگری یارمەتی هەیە لە هەلومەرجی ئێستادا.
ئەو گروپانە داوایان لە نەتەوە یەکگرتووەکان و سکرتێری گشتیی ڕێکخراوەکە کردووە کە بە فەرمی غەززە لە "قۆناغی برسێتی"دا ڕابگەیەنن و بەو پێیەش پلانی هاوکاریی فریاگوزاری چالاک بکەن.
هەروەها لە بەیاننامەکەدا ئاڕاستەی ڕێکخراوە نێودەوڵەتییەکان کراوە و داوایانکردووە سیستمی چاودێری تەندروستی ڕوخاو لە غەززە کارابکرێتەوە و پێداویستییە پزیشکییەکان بەخێرایی بگەیەنرێت و دەرفەتی چارەسەریش بۆ دابین بکرێت.
گروپەکانی خۆڕاگری داوایان لە خەڵکی جیهان کرد کە هەنگاو بنێن و خوازیاری خۆپیشاندانی جەماوەری لە دژی "رژێمی سەهیۆنی" و باڵیۆزخانەکانی ئەمریکا بوون، بەمەش فشارە نێودەوڵەتییەکان بۆ ڕاگرتنی هەم هێرشەکان و هەم برسێتیەکە زیاتر بکرێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٥ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٢٢٧ کەس کە ١٠٣یان منداڵن.
ڕۆژنامەنووس و دەرهێنەر یوڤاڵ ئەبراهام ئاشکرای کرد کە هەواڵگری سەربازی سەهیۆنی شانەیەکیان بۆ دابینکردنی "شەرعیەت" بۆ سوپای داگیرکەر دامەزراندووە کە ڕۆژنامەنووسانی لە غەززە کردە ئامانج و تیرۆریان کرد.
ئەمریکا رایگەیاند کە ئاسمانی ناوچەکە بە شێوەیەکی کاتی دادەخات بەهۆی لوتکەی گرنگی پوتین و ترامپ کە بڕیارە لە ١٥ی ئاب لە ئەنکۆراجی پایتەختی ئالاسکا بەڕێوەبچێت.
کاربەدەستانی تەندروستی لە غەززە دەڵێن نەخۆشخانەکان پڕ بوونەتە و کەمی ئاوی پاک و خۆراک، هەزاران منداڵ دەخاتە دۆخێکی ناجێگیرەوە.
