13 oC 
Güneşli
لە هێرشەکانی سوپای داگیرکەر لە کەرتی غەززە، ١٤ کەس شەهید بوون کە هەنێکیان چاوەڕوانی وەرگرتنی هاوکاری مرۆیی بوون.
بەپێی ئەو زانیارییانەی لە سەرچاوە تەندروستییەکانەوە دەست کەوتووە، سوپای داگیرکەر ماڵ و فەلەستینیەکانی چاوەڕوانی یارمەتی و پەناگە لە غەززەی کردۆتە ئامانج.
لە ئەنجامی بۆردومانێکی ئاسمانی هێزەکانی داگیرکەر لە نزیک چواڕێیانی بەنی سوهەیل لە شاری خان یونس لە باشووری غەززە، دوو کەس شەهید بوون.
سوپای داگیرکەر کە لە نزیک دەروازەی سنووری کیسوفیم لە ناوەڕاستی غەززە هێرشێکی دەستپێکرد و بە فڕۆکەیەکی چەکداری بێ فڕۆکەوان ٥ کەسی کوشت.
داگیرکەران هێرشیان کردە سەر کەمپی پەنابەرانی بورەیج لە دەیر بەلەح کە دەکەوێتە بەشی ناوەڕاستی غەززە، لە هێرشێکی فڕۆکەی بێفڕۆکەوان دوو کەس شەهید بوون کە برا بوون.
لە ئەنجامی هێرشی فڕۆکە جەنگییەکان بۆ سەر کەمپی پەنابەرانی جیبالیا لە باکووری کەرتی غەززە کەسێک کوژرا.
٣ کەس شەهید بوون کاتێک سەربازانی داگیرکەر فەلەستینییەکانیان کردە ئامانج کە چاوەڕوانی وەرگرتنی هاوکاری بوون لە دەوروبەری ناوەندی بەناو دابەشکردنی یارمەتییەکانی ئەمریکا لە نزیک چوارڕێیانی نەتزەریم لە بەشی ناوەڕاستی کەرتی غەززە.
لە ئەنجامی هێرشەکانی فڕۆکە جەنگییەکان لە گەڕەکی توفاح لە باکوری شاری غەززە لانیکەم کەسێک شەهید بووە و ژمارەیەکی زۆریش بریندار بوون.
لە بەشی ناوەڕاستی کەرتی غەززە فڕۆکە جەنگییەکانیش کەمپی پەنابەرانی نوسەیراتیان کردە ئامانج، بەڵام هیچ زانیارییەک لەسەر قوربانییەکان بڵاونەکرایەوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٥ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٢٢٧ کەس کە ١٠٣یان منداڵن.
ڕۆژنامەنووس و دەرهێنەر یوڤاڵ ئەبراهام ئاشکرای کرد کە هەواڵگری سەربازی سەهیۆنی شانەیەکیان بۆ دابینکردنی "شەرعیەت" بۆ سوپای داگیرکەر دامەزراندووە کە ڕۆژنامەنووسانی لە غەززە کردە ئامانج و تیرۆریان کرد.
ئەمریکا رایگەیاند کە ئاسمانی ناوچەکە بە شێوەیەکی کاتی دادەخات بەهۆی لوتکەی گرنگی پوتین و ترامپ کە بڕیارە لە ١٥ی ئاب لە ئەنکۆراجی پایتەختی ئالاسکا بەڕێوەبچێت.
کاربەدەستانی تەندروستی لە غەززە دەڵێن نەخۆشخانەکان پڕ بوونەتە و کەمی ئاوی پاک و خۆراک، هەزاران منداڵ دەخاتە دۆخێکی ناجێگیرەوە.
