رژێمی داگیرکەر شاری نابلوسی گەماڕۆ داوە
13 oC
13 oC
Güneşli
13 oC
Güneşli
لە شاری کۆنی نابلوس لە میانی ئەو ئۆپڕاسیۆنانەی کە ٩ کاتژمێری خایاند، فەلەستینییەک بە دیل گیرا و زۆرێک لە خێزانەکان لە ماڵەکانیان چۆڵکران.
سەربازانی رژێمی سەهیۆنی نزیکەی ٩ کاتژمێرە لە ناوەندی شاری نابلوس و بە تایبەتیش لە شارە کۆنەکان درێژە بە هێرشەکانیان دەدەن.
لە چوارچێوەی هەڵمەتەکاندا فەلەستینییەک بە دیل گیرا، زۆرێک لە خێزانەکان ناچار بوون ماڵەکانیان چۆڵ بکەن و دەیان ماڵیش بە تەواوی پشکنینیان بۆ کرا.
سەرچاوە خۆجێییەکان باسیان لەوە کردووە، سەربازەکان بە دەیان ئۆتۆمبێلی سەربازییەوە چوونەتە ناو شارەکەوە و ناوچەی شارە کۆنەکەیان گەمارۆداوە و خێزانەکانیان لە ماڵەکانیان چۆڵکردووە، بەتایبەتی لە گەڕەکی کاسەبا.
سەربازەکان لە گەڕەکە جیاجیاکانی دەوروبەری شارەکە جێگیر بوون، قەناس بەدەستەکانیان لە نزیک شەقامی سوفیان و گۆڕەپانی شەهیدان داناوە. هەروەها داگیرکەران هەڵیانکوتایە سەر چەند دامەزراوەیەکی بازرگانی لە ناحیەی ڕەئس ئەلعەین.
لە ١١ی حوزەیران، شارە کۆنەکەی نابلوس شوێنی یەکێک لە توندترین هێرشەکانی ساڵان بوو. لەو کاتەدا سەربازانی رژێمی سەهیۆنی شەقامە مێژووییەکانیان داگیر کرد و تەقەیان کرد و گازی فرمێسکڕێژیان بەکارهێنا و ماڵەکانیان بە زۆر چۆڵ کرد. دامەزراوە بازرگانییەکان تاڵان کران، هەندێک بینای مێژوویی کران بە بارەگای سەربازی و تەنانەت وێنەی شەهیدانیش کرانە ئامانج.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی بڵاوبوونەوەی نەخۆشی سورێژە لە ویلایەتی جاوای ڕۆژهەڵاتی وڵاتی ئەندەنۆسیا ١٧ کەس گیانیان لەدەستدا.
لە باشووری ئەلخەلیل، باندە جولەکەکان فشارەکان زیاد دەکەن بە دامەزراندنی شوێنی نیشتەجێبوونی نوێ لەسەر زەوییە فەلەستینییەکان لە هەمان کاتدا فراوانکردنی شوێنی نیشتەجێبوونی ئێستا.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٢ هەزار و ٨٩٥ کەس و ژمارەی بریندارەکانیش گەشتە ١٥٨ هەزار و ٩٢٧ کەس.
سەربازەکانی داگیرکەری سەهیۆنی بە ئیدعای ئەوەی پارەکە بۆ حەماس دەگوازرێتەوە هەڵکوتانە سەر نووسینگەیەکی ئاڵوگۆڕی دراو و ٤٥٠ هەزار دۆلاریان دزی.
