13 oC 
Güneşli
هەزاران کەس لە مەغریبییەکان لە مەراکش و مەکنەس خۆپیشاندانیان ئەنجام دا و پشتیوانی خۆیان بۆ فلۆتیلای جیهانی سومود دەربڕی کە بەرەو غەززە بەڕێکەوت و بانگەوازیان بۆ سەرکردەکانی ئەو وڵاتە کرد.
خەڵکی مەغریب لە شارەکانی مەراکش و مەکنەس خۆپیشاندانێکیان ئەنجام دا و شەڕی جینۆساید و برسێتی رژێمی داگیرکەری دژ بە غەززەیان شەرمەزار کرد.
هەروەها بەشداربووان پشتگیریان بۆ فلۆتیلای جیهانی سومود نیشان دا کە بۆ شکاندنی گەمارۆکە بەرەو کەرتی غەززە دەڕوات.
هەردوو خۆپیشاندانەکە لەسەر بانگەوازی بەرەی مەغریبی بۆ پشتیوانی لە فەلەستین و دژایەتیکردنی ئاساییکردنەوە ڕێکخرابوو و چالاکوانان و داکۆکیکارانی مافی مرۆڤ و هاوڵاتیانی چین و توێژە جیاوازەکان ئامادەی بوون.
بەشداربووانی هەردوو خۆپیشاندانەکە دروشمی پشتیوانی لە فلۆتیلای سومودیان وتەوە کە ئامانجی شکاندنی گەمارۆی غەززەیە.
بەشداربووان پشتیوانی ڕۆژئاوا و بەتایبەت ئەمریکایان بۆ داگیرکردنی غەززە شەرمەزار کرد کە خەریکە کۆمەڵکوژی دژی گەلی فەلەستین ئەنجام دەدات.
نزیکەی ٢٠ کەشتی کە بەشێکن لە "فلۆتیلای سومود"، ڕۆژی یەکشەممە لە بەندەری بارسێلۆنای ئیسپانیاوە بەڕێکەوتن و دواتر لە بەرەبەیانی ڕۆژی دووشەممە کاروانێکی دیکە لە بەندەری جێنەوای باکووری ڕۆژئاوای ئیتاڵیا.
بڕیار بوو ئەم کەشتیانە لە ٤ی ئەیلولدا لەگەڵ کاروانێکی دیکەدا کۆببنەوە کە لە تونسەوە بەڕێدەکەون، بەڵام تا ئێستا وادەی ڕۆشتنیان لە تونسەوە ڕانەگەیەندراوە. پاشان فلۆتیلاکە لە چەند ڕۆژی داهاتوودا درێژە بە گەشتەکەی دەدات بۆ غەززە.
فلۆتیلاکە بریتییە لە هاوپەیمانی فلۆتیلای ئازادی، بزووتنەوەی جیهانی غەززە، فلۆتیلای بەردەوامی و ڕێکخراوی مالیزیایی "سومود نوسانتارا".(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی گەماڕۆی توندی رژێمی داگیرکەر لە سەر غەززە قەیرانی برسێتی ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ٣ کەسی دیکە بەهۆی برسێتی گیانیان لەدەستدا و ژمارەی شەهیدەکان گەشتە ٣٧٦ کەس کە ١٣٤یان منداڵن.
حەماس جەختی لەوە کردەوە کە جینۆسایدی ٧٠٠ ڕۆژەی رژێمی سەهیۆنی لە غەززە یەکێک لە خوێناویترین کۆمەڵکوژییەکانی مێژوویە.
عبدالملک الحوثی ڕابەری بزووتنەوەی انصارالله-ی یەمەن ڕاگەیاند، هێرشەکانی رژێمی داگیرکەر کە بە پشتیوانی ئەمریکا ئەنجام دەدات "شەرمی سەردەمە" و یەمەن بێ ڕاوەستان بەردەوام دەبێت لە پشتیوانی لە خەڵکی فەلەستین.
زەکەریا یاپجیئۆغلو سەرۆکی گشتی هودا پار بۆ پرسە و سەرەخۆش سەردانی باڵیۆزخانەی ئیمارەتی ئیسلامی ئەفغانستان لە ئەنقەرە کرد.
