تانکەکان بەرەو ناوەندی شاری غەززە پێشڕەوی دەکەن
13 oC
13 oC
Güneşli
13 oC
Güneşli
سوپای رژێمی سەهیۆنی هێرشی زەمینی بۆ سەر غەززە دەستپێکرد. تانکەکان دەچنە ناو ناوەندی شارەکە، هاوکات بۆردومانی توندی ئاسمانی و هێرشی فڕۆکەی بێفڕۆکەوان بەردەوامە.
سوپای رژێمی بکوژ هێرشێکی زەمینی بەرفراوان بۆ سەر ناوەندی شاری غەززە دەستپێکردووە. تانکەکان بەرەو ناو شارەکە پێشڕەوی دەکەن و بۆردومانی ئاسمانی چڕ بە فڕۆکە بێفڕۆکەوانەکانی رژێمی سەهیۆنی و هەلیکۆپتەرەکانی ئاپاچی بەردەوامە. تا تەلئەبیب دەنگی تەقینەوە بیستراوە و دەوترێت پەنجەرەکان لە شارۆچکەی نێتیڤۆتدا شکاون.
ئەم هێرشە کە ڕاستەوخۆ دوای سەردانەکەی مارکۆ ڕوبیو، وەزیری دەرەوەی ئەمریکا بۆ خاکەکانی داگیرکراو دەستیپێکرد و لەلایەن دۆنالد ترامپ، سەرۆکی ئەمریکاوە پاڵپشتی دەکرێت.
بەگوێرەی سەرچاوە فەلەستینییەکان، داگیرکاری و گەماڕۆ کە ئێستا لە ڕۆژی ٧١١ی خۆیدایە، وێرانکارییەکی بەرفراوانی دروست کردووە بووە هۆی گیان لەدەستدانی دەیان هەزار کەس و تەنها ئەمڕۆ ٣٨ کەس گیانیان لەدەستدا.
ناوەندە تەندروستییەکانی غەززە ڕایانگەیاندووە کە ماڵ و قوتابخانە و خاڵەکانی دابەشکردنی یارمەتییەکان کراونەتە ئامانج و ژمارەیەکی زۆر بریندار بوونەتە و بەشێک لە فەلەستینیەکان لە ژێر داروپەردوودا گیریان خواردووە.
رژێمی سەهیۆنی ڕۆژهەڵات، ڕۆژئاوا و ناوەڕاستی غەززەی کردە ئامانج و زیانێکی زۆری بە خەڵکی مەدەنی و ژێرخانی گەیاند. قوتابخانە و مزگەوت و نەخۆشخانە و ماڵەکان وێران بوون و لەسەدا ٨٨ی غەززە بەهۆی شەڕەکەوە زیانیان بەرکەوت.
نزیکەی ٢ ملیۆن کەس لە غەززە لە بارودۆخی ئاوارەبوونی زۆرەملێ و برسێتییەکی تونددا دەژین.
بەپێی داتاکانی وەزارەتی تەندروستی فەلەستین، تا ئێستا ٦٤ هەزار و ٨٧١ کەس شەهید بوون و ١٦٤ هەزار و ٦١٠ کەسیش بریندار بوون و زیاتر لە ١٠ هەزار کەسیش بێسەروشوێنن لە هێرشەکاندا. هەروەها منداڵان، ژنان، کارمەندانی چاودێری تەندروستی و مەدەنییەکان بە شێوەیەکی زۆر کراونەتە ئامانج.
حەماس هێرشەکانی ڕژێمی سەهیۆنی بە هەڵمەتێکی سیستماتیکی لەناوبردن وەسف دەکات کە ئامانج لێی بەتاڵکردنەوەی ناوەندی شار و ترساندنی دانیشتوان بۆ ملکەچبوونە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی رووداوێکی هاتوچۆی توند لە پارێزگای کرماشانی ڕۆژهەڵات ٤ کەس گیانیان لەدەستدا.
ژمارەی کوژراوانی تەقینەوەی غاز کە هەفتەی ڕابردوو لە یەکێک لە قەرەباڵغترین ڕێگا سەرەکییەکانی مەکسیکۆ سیتی پایتەختی مەکیسک رووی دا، گەیشتە ١٤ کەس.
ئەنەس خەتاب وەزیری ناوخۆی سوریا دامەزراندنی نوێی لە پارێزگای سوەیدا ڕاگەیاند. ئەم هەنگاوە لە چوارچێوەی پلانێکی تۆکمە بۆ داڕشتنەوەی هێزە ئەمنییەکان و پۆلیسەکان نرا.
٩٤ ساڵ بە سەر شەهید بوونی عومەر موختار ناسراو بە شێری بیابان تێپەڕی کە لە بەرامبەر داگیرکەریی ئیتالیا خۆڕاگریێکی گەورە ئەنجام دا.
