Ji ber bahoza qûmê û qirêjiya hewayê ku tesîrî li gelek wîlayetên başûrê rojavayê Îranê kiriye, saziyên fermî hatin girtin, seferên balafiran hatin betalkirin û perwerde dê li ser înternetê dewam bike.

Bahoza qûmê ya dijwar û zêdebûna qirêjiya hewayê tesîreke xerab li jiyana Îranê dike. Li gor nûçeya ajansa fermî ya Îranê IRNAyê, di çarçoveya tedbîrên ku hatine girtin de, bi taybetî li wîlayetên Loristan, Kirmaşan, Kohgiluye-Buyer Ehmed, Navend û Buşehr ên li başûrê rojavayê Îranê, dezgehên hikûmetê, banka û hemû sazîyên perwerdehîyê bi awayekî demkî hatine girtin.

Rayedaran diyar kirin ku ev biryar ji ber barîna tozê ya zêde û kêmbûna giran a hewayê hatiye girtin û ragihandin ku perwerde dê bi rêya platformên serhêl berdewam bike. Hat ragihandin ku yekîneyên servîsa lezgîn bê navber xebatên xwe didomînin.

Bahoza qûmê ne tenê trafîka bejayî lê sewqiyata hewayî jî asteng kir. Li bajarê Ehwazê yê parêzgeha Xuzistanê ya li ser sînorê Iraqê 3 sefer hatin betalkirin û 8 sefer hatin paşxistin. Rayedarên Balafirgeha Navneteweyî ya Ahwazê bang li rêwiyan kirin ku agahdariya balafiran li ser malpera fermî bişopînin.

Ji aliyê din ve rewşa hewayê ya nebaş tesîrî  li piraniya welat dike û tê texmînkirin ku li 22 wîlayetan Tehranê jî di nav de baraneke dijwar bibare. (ÎLKHA)