Parlamenterê Êlihê Ramanli: Vejîna civakê bi hezkirina Pêxember dest pê dike
13 oC
13 oC
Güneşli
13 oC
Güneşli
Wekîlê Êlihê yê HUDA PARê Serkan Ramanli wiha got: "Evîna Pêxemberê me tu astengan nas nake. Her çiqas berf bibare, baran bibare û hewa pir germ be jî gelê me ji bo xatirê navê wî qadan bi hezkirina Hezretî Muhammed tije dike."
Berdevkê HUDA PARê û Wekîlê Êlihê Serkan Ramanliyê ku li Êlihê beşdarî bernameya "Rêberê Berxwedanê Hz Muhammed" a ku ji teref Weqfa Evîndarên Pêxember ve li Êlihê hat tertîpkirin bû li qada bernameyê ji mîkrofona ÎLKHAyê re daxuyanîyên muhîm da.
Ramanli, diyar kir ku tevî baran û hewaya sar jî bi hezaran kes herikîn qadê û bi hezkirina Pêxember qadê tijî kirine û diyar kir ku ev hezkirin tu astengiyan nas nake.
Ramanli bal kişand ser kelecana beşdaran û manîfestoya ku weqfê amade kiriye û got ku ev yekîtî mizgîniya vejîna civakî ye.
“Evîna Pêxember digel baranê jî tu astengîyê nas nekir”
Ramanli di axavtina xwe de weha got: "Elhemdulîllah, îsal jî em li Êlihê ji bo ku Pêxemberê xwe nas bikin, jiyana wî bijîn û kesên din jî bijîn, em bi hezaran kes li Êlihê ne. Par em li vir bi coşeke mezin li qada Mewlûdê ji bo Pêxemberê xwe li hev civiyan. Îro tevî barana zêde ya ku ji serê sibê ve baran dibare, bi jin, pîr, zilam û ciwanan em hemû bi hev re ne."
“Qadan ji bo Hz Muhammed tije ne”
Ramanli, diyar kir ku evîna Pêxemberê me tu astengiyan nas nake û weha got: "Evîna Pêxemberê me tu astengîyê nas nake. Berf bibare, baran bibare, germ be jî gelê me bi hezkirina pêxemberê xwe qadan tije dike. Em îro li qadê bûn û girseyeke qelebalix ji ciwan, kal, pîr, jin û mêran pêk dihat. Em hemû bi hev re ne. Dema ku em bi îlahiyên xweş ên ku we li pişt min dibihîstin kêfxweş dibûn, me bi hev re li manîfestoya îsal a Weqfa Evîndarên Pêxember jî gohdarî kir."
"Rebbê min bila bi eşq û evîna Pêxemberê me ji dilê me dernexe û em bi eşqa wî bişewitin”
Ramanli bal kişand ser mane û ehemmîyeta bernameyê û weha got: "Xwedê her tim şensê me bide ku em bi hezkirina Pêxember bişewitin. Em hêvîdar in ku şansê şopandina rêya Pêxemberê xwe, bi ronahiya wî ronî bibe û bi merhemet, dilovanî û edaleta wî vejîne. Bi qasî ku ez dizanim ev bername dê ne tenê li bajarê me Êlihê, li bajarên me yên cuda, li gelek navçeyên me jî bidome. Ez spasiya Weqfa Evîndarên Pêxember dikim ku vê bernameyê li dar xistine û Xwedê ji wan razî be û em û hemû kes ji vê derê îstîfade bikin." (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Endamên ÎTTÎHADUL ULEMAyê, dikandarên Dîyarbekirê dawetî bernameya Mewlûda Nebî ya ku wê ji teref Weqfa Evîndarên Pêxember ve vê dawîya hefteyê bê tertîpkirin kirin, ji welatîyan re gul û loqiman belav kirin.
Li navçeya Rêya Armûşê ya Wanê di dikanekî de bi çekan şer derket, di encama şerê çekdarî de mirovekî canê xwe ji dest da sê kes jî birîndar bûn.
Ji teref Weqfa Evîndarên Pêxember ve wê di vê dawîya hefteyê (roja Yekşemê) li Parqa Newrozê bi temaya “Rêberê Berxwedanê Hz Muhammed” bernameya Mewlûda Nebî bê tertîpkirin, ji vê bernameyê re hazirî berdewam dikin.
Tê texmînkirin ku ew ê li giştîyê welat hewa xweş be, li alîyê rojavayê welat hewa wê li ser pileyên demsalê be, li rojhilata welat jî wê li derdorê demsalê be.
