مارک روت سکرتێری گشتی ناتۆ دەستنیشانی کرد، ئەگەر رووسیا هێرش بکاتە سەر پۆڵەندا یان وڵاتێکی دیکەی ئەندامی ناتۆ ئەنجامەکانی خراپی دەبن.

مارک روت سکرتێری گشتی ناتۆ لە کاتی سەردانە فەرمییەکەی بۆ وارشۆی پایتەختی پۆڵەندا لەگەڵ دۆنالد توسک سەرۆک وەزیرانی وڵاتەکە کۆبوونەوەیەکی میدیایی رێکخست.

روت باسی لەوە کرد کە رووسیا هێشتا هەڕەشەیەکە بۆ ئەوروپا و وتی، "لە جیهانێکدا کە ڕۆژ بە ڕۆژ خەتەرناکتر دەبێت زۆر پێویستە خەرجییەکانی بەرگری زیاتر بکرێن."

روت دڵنیایی دا بە توسک کە هەر هێرشێک بۆ سەر پۆڵەندا یان هەر هاوپەیمانێکی تر بە وەڵامێکی "وێرانکەر" بەرەوڕوو دەبێتەوە و وتی، "کاتێک باس لە بەرگریکردن لە پۆڵەندا و بەرگری گشتی لە خاکی ناتۆ دەکرێت، ئەگەر هەر کەسێک حیساباتی هەڵە بکات و پێیوابێت دەتوانێت لە هێرشکردنە سەر پۆڵەندا یان هەر هاوپەیمانێکی دیکە ڕزگاری بێت، ئەوا بە هێزی تەواوی ئەم هاوپەیمانییە توند و تیژە بەرەوڕوو دەبێتەوە ئەمە پوتین و هەر کەسێکی تر کە بیەوێت هێرش بکاتە سەرمان وایە."

ناوبراو باسی لەوە کرد کە ناتۆ بەردەوام دەبێت لە جووڵانەوە لەناو یەکێتیدا.(İLKHA)