وەزارەتی بەرگری ئۆکرانیا رایگەیاند کە سیستەمی بەرگری ئاسمانی پاتریۆت لە هێرشە بەردەوامەکانی دۆنباس تێکشکێنراوە و هەزار و ٢٦٥ کارمەندی سوپای ئۆکرانیا کوژراون و ١٣ زرێپۆشی سەربازیش تێکشکێنراون.

وەزارەتی بەرگری رووسیا ڕۆژانە زانیاری لەبارەی هێرشە بەردەوامەکانی ئۆکرانیا و دۆنباس بڵاودەکاتەوە.

راگەیەندراوە کە زنجیرەیەک هێرش بۆ سەر ١٥٢ ئامانجی ئۆکرانیا بە بەکارهێنانی فڕۆکەی سەربازی و فڕۆکەی بێ فڕۆکەوان و مووشەک ئەنجام دراوە. لە ئەنجامدا دوو شوێنی هەڵدانی سیستەمی بەرگری ئاسمانی پاتریۆت و دوو ڕاداری AN/MPQ-65 لەناوچوون.

جگە لەوەش ئاماژە بەوە کرا کە ژێرخانی بنکەیەکی ئاسمانی، سیستەمێکی مووشەکی هیمارس کە لەلایەن ئەمریکاوە دروستکراوە و ئێستا سەر بە سوپای ئۆکرانیایە، وەرشەی بەرهەمهێنانی فڕۆکەی بێفڕۆکەوان و کۆگاکانیان، هەروەها ئەو شوێنانەی کە سەرباز و بەکرێگیراوانی ئۆکراینی تێدا دەمێننەوە لەناوچوون.

هێزەکانی بەرگری ئاسمانی رووسیا مووشەکی هایمارس و مووشەکی دوور مەودای نەپتون و ٣٧١ فڕۆکەی بێ فڕۆکەوانی لەناوبرد.(İLKHA)