سوپای داگیرکەری سەهیۆنی ئەمڕۆ بەیانی دووبارە هێرشیان کردە سەر غەززە و لە ئەنجامی هێرشەکاندا ٧٧ مەدەنی شەهید بوون.

بە پێی زانیارییەکانی لە سەرچاوەکانی نەخۆشخانە بە دەستهاتوون، سوپای داگیرکەر ئەمڕۆ بەیانی دووبارە هێرشیان کردە سەر چەندین قوتابخانە، خێمە و خانوو لە چەند ناوچەیەکی کەرتی غەززە.

لە ئەنجامی هێرشی سوپای داگیرکەر بۆ سەر قوتابخانەی ئەبو عاسی کە هەزاران ئاوارەی کەمپی پەنابەرانی شاتی تێدا دەمان ٧ کەس شەهید بوون کە هەنێکیان منداڵ بوون. تەرمی شەهیدەکان و بریندارەکان رەوانەی نەخۆشخانەی شیفا کران.

لە ئەنجامی هێرش سەر خانوویێک لە گەڕەکی توفاح لە شاری غەززە لانیکەم ٢ کەس شەهید بوون.

لە ئەنجامی هێرش سەر دوو خانوو لە گەڕەکەکانی شێخ رضوان و نەسر کە ئاوارەکانی فەلەستینی تێدا دەمان لانیکەم ٢٥ کەس شەهید بوون کە بەشێکی گەورەیان ئافرەت و منداڵ بوون.

لە ئەنجامی هێرش سەر خێمەی ئاوارەکان لە گەڕەکی شێخ رضوان ٣ کەس شەهید بوون و ژمارەیەکی زۆر کەسیش بریندار بوون.

لە ئەنجامی هێرش سەر شەقامی ئەحمەد یاسین لە باکووری غەززە ٣ برا شەهید بوون. هێرشەکە بە فڕۆکەی بێ فڕۆکەوان ئەنجام درا.

لە ئەنجامی هێرش سەر خانووی خانەوادەی سافەدی لە گەڕەکی دەراج لە ڕۆژهەڵاتی شاری غەززە ٣ کەس شەهید بوون.

لە ئەنجامی هێرشێکی ئاسمانی بۆ سەر شوێنی کۆبوونەوەی هاوڵاتیانی مەدەنی لە کەمپی پەنابەرانی نوسەیرات لە شاری غەززە لانیکەم ٦ کەس شەهید بوون و ژمارەیەکی زۆر کەسیش بریندار بوون.

هێرشێکی دیکە بە فڕۆکەی بێ فڕۆکەوان بۆ سەر کەمپی پەنابەرانی نوسەیرات لە ناوەڕاستی کەناری غەززە ئەنجام درا و لە ئەنجامی هێرشەکەدا ٨ کەس شەهید بوون.

لە ئەنجامی بۆردومان کردنی خانوویێک لە باشووری کەمپەکە ٣ فەلەستینی شەهید بوون کە ٢یان منداڵ بوون.

لە ئەنجامی کردنە ئامانجی شوێنی دابەشکردنی خواردن لە شاری دەیر بەلاح لە ناوەڕاستی غەززە ٣ فەلەستینی شەهید بوون.

سوپای داگیرکەر خێمەی ئاوارەکان لە ناوچەی مەواسی لە باشووری شاری خان یونسی بۆردومان کرد و لە ئەنجامی هێرشەکەدا ١٤ کەس شەهید بوون کە یەکێکیان ئافرەتێکی دووگیان بوو و هەنێکیان منداڵ بوون و ژمارەیەکی زۆر کەسیش بریندار بوون.(İLKHA)