ئەمڕۆ بەیانی سوپای داگیرکەری سەهیۆنی دووبارە هێرشی کردە سەر مەدەنییەکان لە غەززە و لە ئەنجامی هێرشەکەدا ١١ کەس شەهید بوون و ژمارەیەکی زۆر کەسیش بریندار بوون.

بە پێی راگەیەندراوی سەرچاوەکانی تەندروستی لە غەززە، ئەمڕۆ بەیانی سوپای داگیرکەر دووبارە هێرشی کردە سەر خێمەکان، شوێنی کۆبوونەوەی مەدەنییەکان، خالەکانی دابەشکردنی هاوکاری خۆراک و ئاو.

لە ئەنجامی هێرش سەر ناوچەی سەفتەوی لە باکووری شاری غەززە ٥ فەلەستینی شەهید بوون. لە ئەنجامی هێرش سەر گەڕەکی توفاح لە ڕۆژهەڵاتی شارەکە ٢ کەس شەهید بوون.

هێرشێکی دیکە بۆ سەر خاڵی دابەشکردنی هاوکاری خۆراک لە ناوچەی شاکوش لە ڕۆژئاوای شاری رەفەح ئەنجام درا و لە ئەنجامی هێرشەکەدا ٢ کەس شەهید بوون.

ئۆتۆمبێلێک دیکە بووە ئامانجی هێرشەکانی رژێمی داگیرکەر کە لە کەمپی پەنابەرانی نوسەیرات لە ناوەڕاستی غەززە ئاوی دابەش دەکرد. لە ئەنجامی هێرشەکەدا کەسێک شەهید بوو و ژمارەیەکی زۆر کەسیش بریندار بوون.

خێمەی ئاوارەکان لە ناوچەی مەواسی لە ڕۆژئاوای خان یونس بووە ئامانجی هێزەکانی داگیرکەر. لە ئەنجامی هێرشەکەی بە فڕۆکەی بێ فڕۆکەوان ئەنجام درا کەسێک شەهید بوو و ژمارەیەکی زۆر کەسیش بریندار بوون.(İLKHA)