ئونروا: لە غەززە هەموو ڕۆژێک پۆلێکی پڕ لە منداڵان دەکوژرێت
13 oC
13 oC
Güneşli
13 oC
Güneşli
ڕێکخراوی ئونروا کە ڕێکخراوێکی نەتەوە یەکگرتووەکانە، رایگەیاند کە رژێمی سەهیۆنی لە ٧ی ئۆکتۆبەری ٢٠٢٣ەوە هەموو ڕۆژێک بە تێکڕا پۆلێکی پڕ لە منداڵانی فەلەستینی دەکوژێت و زیاتر لە ١٨ هەزار منداڵ لە غەززە شەهید بوون و دەیان هەزار کەسیش بریندارن.
ئاژانسی فریاگوزاری نەتەوە یەکگرتووەکان بۆ پەنابەرانی فەلەستینی لە ڕۆژهەڵاتی نزیک رایگەیاند کە رژێمی سەهیۆنی لە هێرشە جینۆسایدییەکانی بۆ سەر غەززە ڕۆژانە بە تێکڕا پۆلێکی پڕ لە منداڵان دەکوژێت.
سام ڕۆز، بەڕێوەبەری غەززەی ئونروا بەیاننامەیەکی بڵاوکردەوە و راگەیاند، "لە ٧ی ئۆکتۆبەرەوە، تێکڕای پۆلێکی پڕ لە منداڵ هەموو ڕۆژێک دەکوژرێت. ئەم ژمارەیە یەکسانە بە ٣٥-٤٥ منداڵ، بە لەبەرچاوگرتنی تێکڕای قەبارەی پۆلەکان لە غەززە."
بەپێی ئاماری ئونروا، ژمارەی قوتابیان بۆ هەر پۆلێک لە قوتابخانەکانی غەززە پێش جەنگ لە نێوان ٣٥ بۆ ٤٥ خوێندکار بووە. زیاتر لە ١٨ هەزار منداڵ لەو هێرشانەدا شەهید بوون کە زیاتر لە ٢١ مانگە لە غەززە بەردەوامە. بەپێی سەرچاوە پزیشکییەکان، ژمارەی ئەو منداڵە بریندارانەی کە گەیشتوونەتە نەخۆشخانەکان گەیشتووەتە ١٦ هەزار و ٨٥٤ منداڵ. هێشتا هەزاران منداڵی دیکە لە ژێر داروپەردوودا نێژراون یان بێسەروشوێنن.
جگە لەوەش منداڵان نەک تەنها لە بەرامبەر بۆردومانەکاندا بەڵکو لە بەرامبەر برسێتی و تینوێتی و ئاوارەبوونی بەردەوامدا هەوڵی مانەوە لە ژیان دەدەن. بەئامانجکردنی سیستماتیکی رژێمی سەهیۆنی سەرچاوە خۆراکی و ئاوییەکان و ڕێگریکردن لە یارمەتییە مرۆییەکان بووەتە هۆی برسێتی و وشکەساڵی لە ڕادەبەدەر لە ناوچەکەدا.
ئونروا لە بەیاننامەیەکی دیکەدا کە لە ٨ی تەمموزدا رایگەیاند کە ژیانی منداڵان کە نیوەی دانیشتوانی غەززە پێکدەهێنن، بووەتە هاوواتای شەڕ و وێرانکاری. لە راگەیەندراوەکەدا جەخت لەوە کراوەتەوە کە منداڵان لە غەززە بۆ چەندین نەوە تووشی زەبر و زەنگی قەرەبوو نەکراوە بوون.
ئەم وێرانکارییەی غەززە وەک پەڵەیەکی تاریک لە مێژووی مرۆڤایەتیدا چەسپاوە و زیاتر لە ١٩٧ هەزار شەهید و بریندار و زیاتر لە ١١ هەزار کەس بێسەروشوێنن و سەدان هەزار کۆچبەر و دەیان منداڵیش بەهۆی برسێتیەوە گیانیان لەدەستداوە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەهۆی باران بارینی وەرزی گەرما و لافاوێکی خێرا لە پاکستان ١١٦ کەس گیانیان لەدەستدا و ٢٥٣ کەسیش بریندار بوون.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٧ هەزار و ٥٧٣ کەس و ژمارەی بریندارەکانیش گەشتە ١٣٩ هەزار و ٦٠٧ کەس.
لە ئەنجامی هێرشی هێزەکانی داگیرکەر لە کەمینەکانی دابەشکردنی هاوکاری لە باشووری خان یونس ٢١ کەس شەهید بوون کە ١٥یان بەهۆی گازی ژەهراوی گیانیان لەدەستدا.
سەرییەکانی قودس راگەیاند، سەربازێکی داگیرکەر کە لە ڕۆژهەڵاتی خان یونس هەوڵی دەستبەسەر کردنی درا، بەهۆی تەقەی سەهیۆنیەکانەوە کوژراوە و هەندێک موجاهیدیش شەهید بوون.
