لە یەک ڕۆژدا ١٣٤ شەهید لە غەززە: خاڵە هاوکارییەکان بوون بە "تەڵەی مەرگ"
13 oC
13 oC
Güneşli
13 oC
Güneşli
رژێمی سەهیۆنی لە غەززە خەڵکی سڤیلی چاوەڕوانی یارمەتییەکانی کردە ئامانج. تەنها دوێنێ ١٣٤ کەس شەهید بوون کە ٩٤ کەسیان لە خاڵەکانی دابەشکردنی هاوکارییەکان گیانیان لەدەستداوە.
سوپای رژێمی سەهیۆنی بەردەوامە لە بەئامانجگرتنی خەڵکی مەدەنی کە چاوەڕێی یارمەتی لە کەرتی غەززە دەکەن. بە پێی ئاماری وەزارەتی تەندروستی غەززە و سەرچاوە خۆجێییەکان، لە بەرەبەیانی ڕۆژی یەکشەممە ٢٠ی تەمووزەوە لانیکەم ١٣٤ فەلەستینی شەهید بوون کە ٩٤ کەسیان لە کاتی چاوەڕوانی یارمەتییە مرۆییەکان ڕاستەوخۆ لەلایەن رژێمی سەهیۆنیەوە کرانە ئامانج.
یەکێک لە کوشندەترین هێرشەکان لە ناوچەی سودانییە لە ڕۆژئاوای غەززە رووی دا. لە ئەنجامی هێرشێکدا بۆ سەر هاوڵاتیانی مەدەنی کە بۆ وەرگرتنی هاوکاری لەوێ کۆبوونەتەوە، لانیکەم ٨١ کەس کوژران. ئەم کۆمەڵکوژییە دوایین هێرش بوو لە زنجیرەیەک هێرش کە خاڵەکانی دابەشکردنی یارمەتییەکان دەکاتە ئامانج کە داگیرکاری کردوویەتی بە "تەڵەی مەرگ."
بە پێی ئامارەکانی وەزارەتی تەندروستی، لە ٢٧ی ئایاری ٢٠٢٥ەوە تا ئێستا بە گشتی ٩٩٥ هاوڵاتی مەدەنی لە هێرشەکاندا کوژراون کە شوێنەکانی هاوکاری کردوونەتە ئامانج و ٦ هەزار و ١١ کەسیش بریندار بوون و ٤٥ کەسیش بێسەروشوێنن.
رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە بەردەوامە لە هێرش سەر غەززە و لە ئەنجامی هێرشەکاندا ٢٠٠ هەزار کەس شەهید و بریندار بوونەتە و هەزاران کەسیش بێ سەروشوێنن.
رژێمی داگیرکەر لە کاتی هێرشەکاندا بە تایبەت شوێنی کۆبوونەوەی مەدەنییەکان دەکاتە ئامانج.
خەڵکی غەززە داوا لە کۆمەڵگەی نێودەوڵەتی دەکەن کە بەرپرسیارێتی ئەم کۆمەڵکوژییانە لە ئەستۆ بگرن کە لەبەردەم چاوی هەموو جیهاندا ئەنجام دەدرێن.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بەلجیکا دوو سەربازی داگیرکەری تۆمەتبار بە تاوانی جەنگ لە غەززە دەستبەسەر و لێپرسینەوەیان لەگەڵدا کرد.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٩ هەزار و ٢٩ کەس و ژمارەی بریندارەکانیش گەشتە ١٤٢ هەزار و ١٣٥ کەس.
وەزارەتی تەندروستی غەززە دەستبەسەرکرانی دکتۆر مەروان ئەلحیمس بەڕێوبەری نەخۆشخانە مەیدانییەکان لە لایەن یەکینەیەکی چەکداری تایبەتی رژێمی داگیرکەری سەهیۆنی ئیدانە کرد و جەختی لەوە کرد کە ئەم هێرشە پێشێلکارییەکی ئاشکرای کاری مرۆییە.
لە ویلایەتی هیماچال پرادەشی وڵاتی هیندستان بەهۆی هەڵسانی لافاو و رووداوەکانی پەیوەست بە لافاو ١٢٥ کەس گیانیان لەدەستدا.
