13 oC 
Güneşli
وەزارەتی تەندروستی غەززە دەستبەسەرکرانی دکتۆر مەروان ئەلحیمس بەڕێوبەری نەخۆشخانە مەیدانییەکان لە لایەن یەکینەیەکی چەکداری تایبەتی رژێمی داگیرکەری سەهیۆنی ئیدانە کرد و جەختی لەوە کرد کە ئەم هێرشە پێشێلکارییەکی ئاشکرای کاری مرۆییە.
وەزارەتی تەندروستی غەززە بە توندترین شێوە ئیدانەی دەستبەسەرکردنی دکتۆر مەروان ئەلحیمس، بەڕێوەبەری نەخۆشخانە مەیدانییەکانی غەززە و وتەبێژی وەزارەتەکەی کرد، لەلایەن یەکەیەکی تایبەتی چەکدارییەوە لە نیوەڕۆی ئەمڕۆدا دەستبەسەر کرا.
لە ڕاگەیەندراوەکەی وەزارەتەکەدا ئاماژە بەوە کراوە کە ئەم رووداوە مەترسیدارە پێشهاتێکی جدییە کە ڕاستەوخۆ دەنگی نەخۆش و برسی و ئازارچێشتووانی کەرتی غەززە دەکاتە ئامانج.
وەزارەتی تەندروستی ڕایگەیاند، ئەم هێرشە بەمەبەستی بێدەنگکردنی ڕاستییەکان و شاردنەوەی ئەو کارەساتە گەورەیە تەندروستی و مرۆییە بووە کە خەڵکی غەززە تووشی دەبن و ڕایگەیاندووە، "ئێمە ئەم هێرشە بە پێشێلکارییەکی جددی ئازادی ڕادەربڕین و کاری مرۆیی دەزانین، و داگیرکەرانیش بە تەواوی بەرپرسیار دەزانین لە سەلامەتی دکتۆر مەروان ئەلحیمس".
لە کۆتایی بەیاننامەکەدا داوای ئازادکردنی بەپەلەی دکتۆر ئەلحیمس بەبێ هیچ مەرجێکی پێشوەختە کرا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئییل زەمیر بەناو سەرۆک ئەرکانی گشتی رژێمی سەهیۆنی، دانی بەوەدانا کە شەڕی غەززە یەکێک لە ئاڵۆزترین شەڕەکانی سوپای داگیرکەر بوو.
کەتائیبی قەسام لقی سەربازی بزووتنەوەی حەماس ڕایگەیاند، لە باشووری ڕۆژهەڵاتی دەیر بەلاح زرێپۆشێکی سەربازیی سەر بە هێزەکانی داگیرکەریان بە مووشەکی یاسین ١٠٥ کردۆتە ئامانج. لە هەمان ناوچە شەڕی توند بەردەوامە.
ئاژانسی هاوکاری بۆ پەنابەرانی فەلەستینی سەر نەتەوە یەکگرتووەکان (ئونروا) راگەیاند، لە مانگی ئایارەوە لە غەززە هەزار کەس لە کاتی گەڕان بە دوای هاوکاری خۆراک بەهۆی برسێتی گیانیان لەدەستداوە.
شێخ حەسەن بن عەلی کەتانی سەرۆکی یەکێتی زانایانی مەغریب لەبارەی راگەیەندراوی ئەبو عوبەیدە وتەبێژی کەتائیبی قەسام وتی، "ئەم راگەیەندراوە دڵەکەمانی پارچە پارچە کرد. جارێکی دیکە وەبیری هێنایەوە کە ستەم و تەنها لە غەززە لە چ ئاستێکدایە."
