کەتائیبی قەسام زرێپۆشێکی ڕژێمی زایۆنی لە دەیر بەلاح تێکشکێنن
13 oC
13 oC
Güneşli
13 oC
Güneşli
کەتائیبی قەسام لقی سەربازی بزووتنەوەی حەماس ڕایگەیاند، لە باشووری ڕۆژهەڵاتی دەیر بەلاح زرێپۆشێکی سەربازیی سەر بە هێزەکانی داگیرکەریان بە مووشەکی یاسین ١٠٥ کردۆتە ئامانج. لە هەمان ناوچە شەڕی توند بەردەوامە.
کەتائیبی عیزەدین ئەلقەسام، لقی سەربازی بزووتنەوەی حەماس، ڕایگەیاند، لە شاری دەیر بەلاح لە ناوەڕاستی غەززە ئۆتۆمبێلێکی سەربازیی زرێپۆشی سەر بە هێزەکانی داگیرکەریان کردۆتە ئامانج.
قەسام بەیاننامەیەکی کورتی بڵاوکردەوە و ڕایگەیاند، موجاهدەکان "زرێپۆشێکی سەهیۆنییان بە مووشەکی دژە تانکی یاسین ١٠٥ لە نزیک بازنەی ئەبو حولی باشووری ڕۆژهەڵاتی دەیر بەلاح تێکشکاند."
شایەتحاڵانی ئەو ناوچەیە باسیان لە تێکهەڵچوونی قورس لە نێوان هێزەکانی داگیرکەر و گرووپە خۆڕاگرییەکانی فەلەستین کردووە. هەر لەو ناوچەیە سوپای داگیرکەر سەرلەبەیانی ئەمڕۆ کوژرانی ئەفسەرێکی ڕاگەیاند.
سوپای ڕژێمی سەهیۆنی کوژرانی ڤلادیمێر لۆزا ئەفسەری یەدەگی تەمەن ٣٦ ساڵ لە تێکهەڵچوونەکانی باشووری غەززە پشتڕاست کردەوە. بەم زیانە ژمارەی سەربازە داگیرکەرەکانی کوژراو لە ٢٤ کاتژمێری ڕابردوودا گەیشتووەتە ٢ سەرباز.
ئەو بەرگرییە یەکلاکەرەوەیەی کە گروپە خۆڕاگریەکان لە بەرامبەر هێرشە جینۆسایدییە بەربڵاوەکانی غەززە نیشانی دەدەن، خەسارێکی زۆر بەسەر هێزە داگیرکەرەکاندا دەگەیەنێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ئێوارەی ئەمڕۆ شاندەکانی رووسیا و ئۆکرانیا لە ئیستانبوول دەست بە دانوستانەکان دەکەن و کۆبوونەوەکەش بە سەرۆکایەتی هاکان فیدان وەزیری دەرەوەی تورکیا بەڕێوەدەچێت.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٩ هەزار و ٢١٩ کەس و ژمارەی بریندارەکانیش گەشتە ١٤٣ هەزار و ٤٥ کەس.
حەماس داوای لە ئوممەتی ئیسلامی و خەڵکی بە ویژدانی جیهان کرد کە لە نێوان ٢٥ بۆ ٢٧ی تەمووزەوە لە هەموو شارێکدا خۆپیشاندانی جەماوەری لە دژی سیاسەتی جینۆساید و برسێتی کە لە لایەن رژێمی سەهیۆنی لە غەززە بەڕێوەی دەبات ئەنجام بدەن.
بە هۆی هێرشی ئاسمانی و زەمینی رژێمی سەهیۆنی کە لە سەعاتەکانی بەرەبەیانەوە دەستیپێکردووە، لانیکەم ٣١ فەلەستینی شەهید بووە و دەیان کەسی دیکەش بریندار بوون.
