رژێمی داگیرکەری سەهیۆنی بەردەوامە لە کردنە ئامانجی ڕۆژنامەنووسان لە غەززە. لە ئەنجامی هێرشی ئاسمانی بۆ سەر جیبالیا ڕۆژنامەنووس حەسەن ئەبو وەردە و ژمارەیەکی زۆر ئەندامی خانەوادەکەی شەهید بوون. ژمارەی ڕۆژنامەنووسە شەهیدەکان گەشتە ٢٢١ کەس.

رژێمی داگیرکەری سەهیۆنی کە بەردەوامە لە هێرش سەر غەززە جارێکی دیکە ڕۆژنامەنووسانی کردە ئامانج.

لە ئەنجامی هێرش سەر گەڕەکی نەزلە لە شاری جیبالیا لە باکووری غەززە ڕۆژنامەنووس حەسەن مەجدی ئەبو وەردە و ژمارەیەکی زۆر کەس لە ئەندامانی خانەوادەکەی شەهید بوون.

بە پێی راگەیەندراوی ئاژانسی فەرمی فەلەستین وەفا، لە ئەنجامی بۆردومانەکەدا خانووکە بە گشتی ڕوخا و تیمەکانی تەندروستی گواسترانەوە ناوچەکە بۆ دەرێنانی تەرمی شەهیدەکان و بریندارەکان.

سەرچاوە خۆجێییەکان رایانگەیاندووە کە ئەبو وەردە ساڵانێکی زۆرە ڕۆژنامەنووس بووە لە غەززە و لەم دواییانەشدا هەوڵێکی چڕ و پڕی داوە بۆ بەڵگەنامەکردنی ئەو دڕندەییانەی لە مەیدانەکەدا بوون.

لەگەڵ شەهیدبوونی ڕۆژنامەنووس ئەبو وەردە، ژمارەی ئەو ڕۆژنامەنووسانەی کە لە دوای شەڕی جینۆسایدەوە کە لە ٧ی ئۆکتۆبەری ٢٠٢٣ دەستی پێکردووە، گەیشتووەتە ٢٢١ ڕۆژنامەنووس، سەرەڕای ئەوەش سەدان ڕۆژنامەنووس بریندار بوون یان دەستبەسەر کران.

بێدەنگی کۆمەڵگەی نێودەوڵەتی سەبارەت بە بەئامانجکردنی بە ئەنقەستی ڕۆژنامەنووسان نیشان دەدات کە ڕۆژ بە ڕۆژ ئازادی ڕۆژنامەگەری زیاتر و زیاتر لە پێ دەدرێت. زۆرێک لە رێکخراوەکانی مافی مرۆڤ جەخت لەوە دەکەنەوە کە ئەم هێرشانە بۆ سەر ئەندامانی ڕۆژنامەگەری تاوانێکی جەنگی ڕوون و ئاشکرایە.(İLKHA)