لە سەر بانگێشتی پلاتفۆرمی پشتیوانی ئیسلامی لە مزگەوتی تەقسیم لە دژی کارتۆنێک کە سووکایەتی بە پێغەمبەرانی خودا دەکرد کۆنگرەیەکی ڕۆژنامەوانی بەڕێوەچوو.

کاردانەوەکان بەرامبەر کارتۆنی گۆڤاری لەمان بەردەوامن. پلاتفۆرمی پشتیوانی ئیسلامی کۆنگرەیەکی ڕۆژنامەوانی سەبارەت بەو کارتۆنانەی سووکایەتیان بە پێغەمبەرانی خودا حەزرەتی موحەممەد و حەزرەتی مووسا کردبوو رێکخست.

لەو چوارچێوەیەدا ئەو کەسانەی لە مزگەوتی تەقسیم کۆبوونەتەوە جەختیان لەوە کرد کە پێویستە گۆڤاری لەمان دابخرێت و تاوانباران سزا بدرێن.

بەرنامەکە بە خوێندنەوەی قورئانی پیرۆز لەلایەن ئوسامە چیچەک دەستی پێکرد، نەجمەدین ئرماق بەناوی پلاتفۆرمەوە قسەی کرد و رایگەیاند کە سووکایەتیکردن بە پێغەمبەرمان قبوڵکراو نییە.

ئرماق وەبیری هێنایەوە کە ڕێبەر و پێشەوا حەزرەتی موحەممد وەک ڕەحمەتێک بۆ دونیاکان نێردراوە و وتی، "ئەو کەسە نەزانانەی کە ئەمە نازانن بەهۆی ئایدۆلۆژیاکانیانەوە هێرش دەکەنە سەر بەهاکانمان، ئەم نەزانانە نازانن کە هەموو کەسێک دەتوانێت ژیانی خۆی بەخت بکات لە پێناو پێغەمبەردا. ئەوان پێداگری لەسەر کوفرەکەیان دەکەن چونکە پێغەمبەری خودا ناناسن."

هەروەها وتی، "ئەوانەی ١٠٠ ساڵە لەگەڵ شۆڕشی کەمالیستی هێرش دەکەنە سەرمان، ناتوانن موسڵمانان بنبڕ بکەن! ئێوە ناتوانن ئەم خاکانە لەناوببەن کە تەوحید شیفایان بۆ داوە، ئەگەر ئەمەتان قبوڵ نەکرد، ئەوا دوور بکەونەوە لەو خاکانە بەڵام ئەمە بزانن بچنە هەر شوێنێک ئێمە دەبینن."

هەروەها ئەردال ئەلیبویوک جێگری سەرۆکی گشتی کاروانی ئومێد لە بەرنامەکەدا قسەی کرد و رایگەیاند کە ئەوانەی زیان بە بەها ڕۆحی و ئایینییەکان دەگەیەنن نابێت بێ سزا بمێننەوە.

ئەلیبویک وتی، "گەمە بە هەستیارییەکانی کۆمەڵگەی ئێمە مەکن، ئەگەر پێتان وایە ئەم هێرش و سوکایەتیانەی ئێوە بێ سزا دەمێننەوە، پێویستە بزانن کە هەڵەیەکتان هەیە، ئەگەر یاسا ئەم شتانە لە پلەی یەکەمدا بێ سزا جێهێشت، پێویستە بزانن کە ئوممەتی ئیسلامی زۆر باش دەزانێت چۆن ئەو زمانانە بوەستێنێت."(İLKHA)