عیزەت ئەلریشق ئەندامی مەکتەبی سیاسی حەماس جەختی لەوە کردەوە "غەززە تەسلیم نابێت... ئەوە بەرخۆدان دەبێت کە مەرجەکان دەسەپێنێت و هاوکێشەکان لەسەر زەوی دیاری دەکات."

عیزەت ئەلریشق بەرپرسێکی حەماس لە بەیاننامەیەکدا لە کەناڵی تێلێگرامی خۆیدا ئاماژەی بەوە کردووە کە لێدوانەکەی نەتانیاهۆ کە دەڵێت "هەموو بارمتەکان ئازاد بکرێن و حەماس تەسلیم بێت" ڕەنگدانەوەی شکستێکی دەروونییە نەک واقیعەکانی سەر زەوی.

ناوبراو وتی، "دوای ئەوەی سەرکردەکانی دوژمن دانیان بەوەدا نا کە بەتەواوەتی شکستیان هێنا لە کۆنترۆڵکردنەوەی دیلەکانیان لە ڕێگەی ئۆپڕاسیۆنە سەربازییەکانەوە، ئێستا ڕوون بووەتەوە کە تاکە ڕێگە بۆ ئازادکردنی بارمتەکان ڕێککەوتنێکی جدییە لەگەڵ بەرخۆدان."

هەروەها وتی، "غەززە تەسلیم نابێت... ئەوە بەرخۆدان دەبێت کە مەرجەکان دەسەپێنێت و هاوکێشەکان لەسەر زەوی دیاری دەکات."(İLKHA)