حەماس ڕەتیدەکاتەوە هەوڵی تیرۆرکردنی یەکێک لە سەرکردەکانی لە لوبنان درابێت
13 oC
13 oC
Güneşli
13 oC
Güneşli
بەرپرسێکی باڵای بزووتنەوەی حەماس ئەو ئیدعانەی ڕەتکردەوە کە دوژمنی سەهیۆنی یەکێک لە ڕێبەرانی بزووتنەوەکەی لە باکووری لوبنان تیرۆر کردوە.
بەرپرسێکی باڵای بزووتنەوەی خۆڕاگری ئیسلامیی فەلەستین حەماس، لە لێدوانێکیدا بۆ قودس پرێس، وتی، "ئیدیعای دوژمنی سەهیۆنی کە یەکێک لە سەرکردەکانی حەماس لە باکووری لوبنان کراوەتە ئامانج، درۆیە"، ئاماژەی بەوەشکرد کە بەیاننامەکە ئاماژە بە هەوڵێکی شکستخواردووی تیرۆرکردن دەکات.
سوپای داگیرکەر لە بەیاننامەیەکدا کە ئێوارەی هەمان ڕۆژ بڵاویکردووەتەوە، بانگەشەی ئەوەی کردووە کە سەرکردەیەکی دیاری حەماس لە ئەنجامی هێرشێکدا کە لە شاری تەرابلوسی باکووری لوبنان ئەنجامی دابوو، تیرۆر کراوە.
سوپای داگیرکەر ئیدیعای کرد کە "فڕۆکە بێ فڕۆکەوانەکانی هێزی ئاسمانی هێرشیان کردە سەر توخمێکی سەرەکی حەماس لە ناوچەی تەرابلوسی لوبنان."
کەناڵی تەلەفزیۆنی سەهیۆنی کەناڵی ١٤ ئیدیعای کرد کە ئەو کەسەی کە کراوەتە ئامانج، مەهران مستەفا باجور، بەرپرسی بەشی پلاندانان لە ناو یەکەی بیناسازی حەماسە.
بەپێی راگەیەندراوی ناوەندی ئۆپڕاسیۆنی فریاگوزاری تەندروستی گشتی سەر بە وەزارەتی تەندروستی لوبنان، لە ئەنجامی هێرشێکی فڕۆکەی بێفڕۆکەوانی سەهیۆنی بۆ سەر ئۆتۆمبێلێک لە ناوچەی ئایرونیەی تەرابلوس، ٣ کەس گیانیان لەدەستدا و سێزدە کەسی دیکەش بریندار بوون.
پلاتفۆرمە لوبنانییەکان باسیان لەوە کردووە کە ئەو کەسانەی لە هێرشەکەدا کوژراون، خەڵکی سڤیل بوون کە بەڕێکەوت بەلای شوێنی ڕووداوەکە تێدەپەڕین.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٠ هەزار و ٣٣٢ کەس و ژمارەی بریندارەکانیش گەشتە ١٤٧ هەزار و ٦٤٣ کەس.
لە ئاسمانەوە هاوکاری تەنها ٥ بارهەڵگر بۆ غەززەی کە ڕۆژانە پێویستی بە ٨٠٠ بارهەڵگر هاوکاری هەیە، کرا و ئەمەش ناڕەزایەتی لێکەوتەوە.
بزووتنەوەی خۆڕاگری ئیسلامی حەماس ئامادەیی خۆی ڕاگەیاند بۆ ئەوەی دەستبەجێ بچێتەوە سەر دانوستانەکان لە ئەگەری گەیشتنی یارمەتییە مرۆییەکان و کۆتایی هاتنی قەیرانی مرۆیی و برسێتی لە غەززە.
وتەبێژی وەزارەتی دەرەوەی ئێران هەڵمەتی ئەمریکا، فەڕەنسا و چەند وڵاتی دیکەی ڕۆژئاوایی بۆ دووپاتکردنەوەی تۆمەتە بێ بنەما و گاڵتەجارەکانیان لە دژی ئێرانی بە دیترهاوێژیی ئاشکرا و هەوڵ بۆ بەچەواشيبردنی ڕای گشتی لە گرینگترین پرسی ڕۆژ، واتە کۆمەڵکوژیی فەلەستینییەکان زانی و ئیدانەی کرد.
