13 oC 
Güneşli
غەید قاسم، پارێزەری فەلەستینی، رایگەیاند، "دکتور حوسام ئەبو سەفیە، بەڕێوەبەری نەخۆشخانەی کەمال عەدوان کە لە ٢٧ی کانوونی دووەمی ٢٠٢٤ لە غەززە ڕفێندرابوو، بەهۆی ئەو ئەشکەنجەی توند و کەمتەرخەمی پزیشکی بە ئەنقەست لە زیندانی رژێمی داگیرکەری سەهیۆنیدا تووشی کێشەی تەندروستیی قورس بوو."
پارێزەر غەید قاسم لە لێدوانەکانیدا لە سۆشیال میدیا رایگەیاندووە کە دکتۆر ئەبو سەفیە لە ڕۆژی ڕفاندنیەوە زیاتر لە ٤٠ کیلۆ کێشی دابەزیووە و ڕووبەڕووی بارودۆخی سەختی زیندان بووە کە مەترسی لەسەر ژیانی هەیە.
قاسم ئاماژەی بەوەشکرد، لە سەردانەکەیدا بۆ ئەبو سەفیە لە ٩ی حوزەیرانی ٢٠٢٥ کێشی لە ١٠٠ کیلۆوە بۆ کەمتر لە ٦٠ کیلۆ دابەزیوە و بۆ ماوەی زیاتر لە نیو کاتژمێر لەلایەن بەناو پاسەوانانی رژێمی داگیرکەری سەهیۆنی لە ژوورەکەی خۆی لە زیندانی ئۆفەر لە ٢٤ی حوزەیران بە توندی لێی دراوە.
برینداربوونی سەخت و بەربەستی دەستێوەردانی پزیشکی
بە وتەی ئەو پارێزەرە، هێرشەکە بووەتە هۆی برینداربوونی سەخت و چەقۆکێشانی سنگ و دەموچاو و سەر و پشت و ملی ئەبو سەفیە.
سەرەڕای ئەوەی کە تووشی کێشەی تەندروستیی جددی وەک ناڕێکی لێدانی دڵ و بەرزی پەستانی خوێنی درێژخایەن بوو، بەڵام بەپێی ڕاپۆرتەکان داواکارییە دووبارەکانی ئەبو سەفیە بۆ پشکنینی پزیشکی تۆکمە و هەڵسەنگاندنی پزیشکی دڵ بە بەردەوامی لەلایەن ئیدارەی بەناو زیندانەکانی رژێمی داگیرکەری سەهیۆنیەەوە ڕەتکرایەوە.
هەروەها باس لەوەش کراوە کە ئەو چاویلکەیەی کە تازە پێدراوە شکاوە، ئەمەش کێشە تەندروستییەکانی زیاتر گەورەتر کردووە.
لە تاریکی و لە بارودۆخی گۆشەگیردا دەهێڵرێتەوە
قاسم ئاماژەی بەوەشکردووە، ئەبو سەفیە لە خانەیەکی ژێرزەمینیی دابڕاودا ڕاگیراوە و بە تەواوی لە ڕووناکی ڕۆژ بێبەش بووە و هێشتا ناچار بووە بە جلوبەرگی زستانە بژی.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
گروپێک جووڵەکەی داگیرکەر لە ژێر پاراستنی پۆلیسەکانی داگیرکەر ئەمڕۆ بەیانی هەڵکوتانە سەر مزگەوتی ئەوقسا و چالاکییەکانی ئایینی ئیستیفزازی تەلمودیکیان ئەنجام دایەوە.
چەتەکانی جوولەکە لە گەڕەکی ئوم نیر لە ناوچەی موسافەر یاتا لە باشووری ئەلخەلیل لەژێر پاراستنی سەربازانی داگیرکەردا هێرشیان کردە سەر هاوڵاتیانی مەدەنی فەلەستینی. لە هێرشەکەدا موسا عەلی نەجا تەمەن ٦٢ ساڵ بە توندی لێیدرا.
لە شاری جەنینی کەناری ڕۆژئاوای داگیرکراو لە ئەنجامی شەڕ لەگەڵ هێزەکانی داگیرکەر گەنجێک شەهید بوو.
لە کەمێنێکی هێزەکان بەرخۆدانی فەلەستین لە باکووری غەززە، ٣ سەربازی داگیرکەر کوژران و ئەفسەرێکیش بە سەختی بریندار بوو. ناتانیاهۆ رایگەیاند، "ئێوارەی ئەمڕۆ ئێوارەیەکی سەختە"، هاوکات ئۆپۆزسیۆنیش حکومەتی بە شکستی سەربازی تۆمەتبار کرد.
