قەیرانی مرۆیی لە غەززە ڕۆژ بە ڕۆژ قوڵتر دەبێت. لە ٢٤ کاتژمێری کۆتاییدا ١٤ کەسی دیکە بەهۆی برسێتی و بەدخۆراکی شەهید بوون.

رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە بەردەوامە لە هێرش سەر غەززە و لە ٢ی ئادارەوە گەماڕۆی بە سەر غەززە سەپاندووە و هیچ جۆرە و خۆراک و دەرمانێک ناچێتە ناو غەززە. لەو ڕۆژەوە ١٤٧ کەس بەهۆی برسێتی و بەدخۆراکی گیانیان لەدەستداوە کە ٨٨یان منداڵن. ئەم رووداوە ئاستی قەیرانی مرۆیی قوڵ لە غەززە پێشان دەدات.

ڕێکخراوی تەندروستی جیهانی راگەیاند، ئاستی بەدخۆراکی لە غەززە گەشتووە ئاستێکی خەتەرناک و مەترسی گیانیان لەدەستدانی ژمارەیەکی زۆر کەس بەهۆی برسێتی هەیە.

یونیسێف جەختی لەوە کرد کە تەواوی دانیشتوانی غەززە برسین و زۆرترین کاریگەری دۆخەکە لە سەر منداڵەکان هەیە و راگەیاند، "منداڵەکانی کە دەبێت لە قوتابخانە بن بۆ خواردن گیانیان لەدەستدەدەن."

تۆم فلێتچێر بەڕێوبەری ئۆفیسی هەماهەنگکاری کاروباری مرۆیی نەتەوە یەکگرتووەکان بانگێشتی هاوکاری بەپەلە و هەمیشەیی و گەیاندنی هاوکاری بۆ غەززە کرد و لە هەر ٣ کەس کەسێک هەموو ڕۆژێک لە غەززە برسییە.

ئونروا راگەیاند، ئاستی برسێتی لە غەززە لە نێوان منداڵانی خوار ٥ ساڵ لە مانگەکانی ئادار-حوزەیران دوو ئەوەندە زیاد بووە.

لە ٧ی تشرینی یەکەمی ٢٠٢٣یەوە لە ئەنجامی هێرشەکانی رژێمی داگیرکەری سەهیۆنی زیاتر لە ٢٠٣ هەزار کەس شەهید و بریندار بوونەتە و هەزاران کەسیش هێشتا بێ سەروشوێنن.(İLKHA)