داگیرکەران سوەیدایان بۆردومان کرد
13 oC
13 oC
Güneşli
13 oC
Güneşli
فڕۆکە بێفڕۆکەوانەکانی سەر بە رژێمی داگیرکەری سەهیۆنی لە سوەیدا هێزەکانی سەر بە ئیدارەی سوریا و هێزەکانی بەدەوییان کردە ئامانج.
فڕۆکە بێفڕۆکەوانەکانی داگیرکەر هێرشێکی ئاسمانییان کردە سەر شاری سوەیدا لە باشووری سوریا.
کەناڵی ئاڕ تی عەرەبی بڵاویکردەوە، فڕۆکە بێفڕۆکەوانەکەی داگیرکەر ئۆتۆمبێلە سەربازییەکانی بۆردومان کردووە و باڵەخانەکانی دەوروبەری گوندی ئەلسەعلە لە لادێی ڕۆژئاوای سوەیدا تێکشکاندووە، کە هێزەکانی وەزارەتی بەرگری سوریا و بەدەوییەکان تێیدا کۆبوونەتەوە.
هەروەها سەرچاوە ناوخۆییەکان ڕایانگەیاندووە کە داگیرکەران سوەیدا و شارۆچکەی ڕیما- حازمیان بۆردومان کردووە.
هیچ زانیارییەک لەسەر ئەوە نەدراوە کە ئایا لە ئەنجامی هێرشە ئاسمانییەکان زیانێکی گیانی یان زیانێکی ماددی هەبووە یان نا.
ڕەوشی باشووری سوریا لە ١٣ی تەمموزدا پەرەی سەند و بەهۆی پێکدادان لە نێوان هۆزە عەرەبەکان و هێزەکانی دروز لە پارێزگای سویدا شەڕ ڕووی دا. ڕۆژی ١٥ی تەمووز، هێزە تایبەتەکانی وەزارەتی ناوخۆ و وەزارەتی بەرگریی سووریا چوونە ناو ناوەندی ئیداریی ئەو پارێزگایە و لە هەوڵێکدا بۆ سەقامگیرکردنی دۆخەکە دەستیان بە پاککردنەوەی ناوچەکە کرد. دوای ماوەیەکی کەم، رژێمی داگیرکەر دەستی کرد بە ئامانجگرتنی یەکینەکانی هێزە چەکدارەکانی سوریا و بانگەشەی ئەوەی کرد کە دانیشتوانی دروزەکان دەپارێزن و لە ١٦ی تەمموزدا چەند شوێنێکی ستراتیژی لە دیمەشق بۆردومان کرد. لە ١٩ی تەمموزدا ئەحمەد شەرع، سەرۆکی سوریا ئاگربەستی لە سویدا ڕاگەیاند، ئەوەش بەپێی پلانی ئاشتی کە بە بەشداریی ناوبژیوانانی نێودەوڵەتی لە نێویاندا ئەمریکا داڕێژرابوو.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٠ هەزار و ٣٣٢ کەس و ژمارەی بریندارەکانیش گەشتە ١٤٧ هەزار و ٦٤٣ کەس.
لە ئاسمانەوە هاوکاری تەنها ٥ بارهەڵگر بۆ غەززەی کە ڕۆژانە پێویستی بە ٨٠٠ بارهەڵگر هاوکاری هەیە، کرا و ئەمەش ناڕەزایەتی لێکەوتەوە.
بزووتنەوەی خۆڕاگری ئیسلامی حەماس ئامادەیی خۆی ڕاگەیاند بۆ ئەوەی دەستبەجێ بچێتەوە سەر دانوستانەکان لە ئەگەری گەیشتنی یارمەتییە مرۆییەکان و کۆتایی هاتنی قەیرانی مرۆیی و برسێتی لە غەززە.
وتەبێژی وەزارەتی دەرەوەی ئێران هەڵمەتی ئەمریکا، فەڕەنسا و چەند وڵاتی دیکەی ڕۆژئاوایی بۆ دووپاتکردنەوەی تۆمەتە بێ بنەما و گاڵتەجارەکانیان لە دژی ئێرانی بە دیترهاوێژیی ئاشکرا و هەوڵ بۆ بەچەواشيبردنی ڕای گشتی لە گرینگترین پرسی ڕۆژ، واتە کۆمەڵکوژیی فەلەستینییەکان زانی و ئیدانەی کرد.
