بە پێی راگەیەندراوی نەتەوە یەکگرتووەکان، قەیرانی برسێتی لە غەززە سنووری قەحتیی تێپەڕاندووە. منداڵەکان تووشی بەدخۆراکی مەرگبار بوونەتە و هاوکاری مرۆیی ڕووبەڕووی ڕێگرییەکانی گەورە دەبێت.

ڕێکخراوەکانی سەر بە نەتەوە یەکگرتووەکان هۆشداریان دا کە قەیرانی برسێتی لە غەززە گەشتووە ئاستی کارەسات.

بە پێی ڕیزبەندییەکانی ئاسایشی خۆراک لە لایەن نەتەوە یەکگرتووەکان، لە کۆی ٣ نیشانەی حەقتی ٢یان تێپەڕیوە. بەکارهێنانی خۆراک بە شێوەیەکی توند کەم بووە و بەدخۆراکی لە منداڵانی ژێر ٥ ساڵ ٤ ئەوەندە زیاد بووە و گەشتووە لە سەدا ١٦.٥ی ژمارەی منداڵەکانی خوار ٥ ساڵ.

ئەنتۆنیۆ گوتەرێس سکرتێری گشتی نەتەوە یەکگرتووەکان راگەیاند کە کارەساتی مرۆیی لە غەززە گەشتووە "ئاستی قیامەت" و "ئەمە هۆشداریێک نییە بەڵکو تراژێدیایە لە پێش چاوی دونیا ڕووی دەدات."

گۆتێرێس جەختی لەوە کردەوە کە پێویستە هاوکارییە مرۆییەکان بەبێ پچڕان و بەبێ بەربەست پێشکەش بکرێت نەک لە ڕێگەی ڕێڕەوی سنووردارەوە.

ڕێکخراوی ئافرەتانی نەتەوە یەکگرتووەکان ڕایگەیاندووە کە یەک ملیۆن ئافرەت و کچ ڕووبەڕووی برسێتی و توندوتیژی و دەستدرێژی دەبنەوە و زۆرێکیان "ناچار دەبن لە نێوان مردن و برسێتیدا یەکێکیان هەڵبژێرن".

لەلایەکی دیکەوە، هەرچەندە لە چەند ڕۆژی ڕابردوودا ژمارەیەکی سنووردار لە بارهەڵگری یارمەتییەکان گەیشتوونەتە غەززە، بەڵام نووسینگەی هەماهەنگی کاروباری مرۆیی ڕێکخراوی نەتەوە یەکگرتووەکان (OCHA) ڕایگەیاندووە کە ئەم یارمەتییە بۆ زیاتر لە دوو ملیۆن کەس "بەس نییە و ناپایەدارە".

نەتەوە یەکگرتووەکان ڕایگەیاندووە کە مانگانە ٦٢ هەزار تۆن یارمەتی خۆراک پێویستە تەنها بۆ دابینکردنی پێداویستییە سەرەتاییەکان و دەستپێکردنەوەی هاوردەکردنی بازرگانی زۆر گرنگە.(İLKHA)