13 oC 
Güneşli
دادستانی فیدراڵی بەلجیکا ڕایگەیاند کە دۆسیەی دوو سەربازی رژێمی سەهیۆنی کە بە ئەنجامدانی تاوانی جەنگ لە کەرتی غەززە تۆمەتبار کراون، ڕەوانەی دادگای تاوانەکانی نێودەوڵەتی کردووە.
بەپێی بەیاننامەیەک، دامەزراوەی هیند ڕەجەب کە بنکەکەی لە برۆکسلە، سکاڵای تاوانکاری لە دژی دوو سەربازی داگیرکەر تۆمار کردووە کە لە فێستیڤاڵی مۆسیقای "تۆمۆرۆلاند" لە شاری بووم لە بەلجیکا لە ١٨-١٩ی تەمموز بەشدارییان کردووە. ئەو بەڵگەنامانەی کە دەزگاکە پێشکەشی کردووە باس لەوە دەکەن کە ئەو سەربازانە تاوانی جەنگیان لە غەززە ئەنجام داوە.
داواکاری گشتی ڕایگەیاند کە دوای هەڵسەنگاندنی سکاڵاکان بڕیاری داوە دۆسیەکە ڕەوانەی دادگای نێودەوڵەتی بکرێت. لە ڕاگەیەندراوەکەدا جەخت لەوە کراوەتەوە کە بڕیارەکە لە چوارچێوەی ئەرکە نێودەوڵەتییەکانی بەلجیکا و "دڵنیابوون لەوەی دادپەروەری بە شێوەیەکی دروست جێبەجێ دەکرێت" دراوە.
چاودێری نێودەوڵەتی و داوای لێپرسینەوە
دامەزراوەی هیند ڕەجەب هاوشێوەی زۆرێک لە دامەزراوە نێودەوڵەتییەکان بە پەرۆشەوە کاردەکات بۆ دادگاییکردنی ئەو سەربازانەی کە بەشدارییان لە هێرشەکانی سوپای داگیرکەر لە غەززەدا کردووە.
هیند ڕەجەب کە ناوی دامەزراوەکە بە ناویەوە ناونراوە، منداڵێکی تەمەن پێنج ساڵانی فەلەستینی بووە کە لە ٢٩ی کانوونی دووەمی ٢٠٢٤دا لەگەڵ شەش کەس لە کەسوکاری لە هێرشێکدا بۆ سەر ئەو ئۆتۆمبێلەی کە خۆیان تێدا پەنا دەبرد لە باشووری ڕۆژئاوای غەززە کوژراون، مردنەکەی دەنگدانەوەیەکی زۆری لە کۆمەڵگەی نێودەوڵەتیدا هەبووە.
لە ٧ی تشرینی یەکەمی ٢٠٢٣ەوە سوپای داگیرکەر بە پاڵپشتیی وڵاتانی ئەمریکا و ئەوروپی هێرشی بەرفراوان و وێرانکەر بۆ سەر غەززە ئەنجام دەدات. نەخۆشخانە و خانووبەرە و قوتابخانە و ژێرخانی مەدەنی کراونەتە ئامانج، لە کاتێکدا خۆراک و ئاوی پاک و دەرمان و سووتەمەنی گیراون.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٠ هەزار و ٣٣٢ کەس و ژمارەی بریندارەکانیش گەشتە ١٤٧ هەزار و ٦٤٣ کەس.
لە ئاسمانەوە هاوکاری تەنها ٥ بارهەڵگر بۆ غەززەی کە ڕۆژانە پێویستی بە ٨٠٠ بارهەڵگر هاوکاری هەیە، کرا و ئەمەش ناڕەزایەتی لێکەوتەوە.
بزووتنەوەی خۆڕاگری ئیسلامی حەماس ئامادەیی خۆی ڕاگەیاند بۆ ئەوەی دەستبەجێ بچێتەوە سەر دانوستانەکان لە ئەگەری گەیشتنی یارمەتییە مرۆییەکان و کۆتایی هاتنی قەیرانی مرۆیی و برسێتی لە غەززە.
وتەبێژی وەزارەتی دەرەوەی ئێران هەڵمەتی ئەمریکا، فەڕەنسا و چەند وڵاتی دیکەی ڕۆژئاوایی بۆ دووپاتکردنەوەی تۆمەتە بێ بنەما و گاڵتەجارەکانیان لە دژی ئێرانی بە دیترهاوێژیی ئاشکرا و هەوڵ بۆ بەچەواشيبردنی ڕای گشتی لە گرینگترین پرسی ڕۆژ، واتە کۆمەڵکوژیی فەلەستینییەکان زانی و ئیدانەی کرد.
