سلۆڤینیا کۆتایی بە بازرگانی چەک لەگەڵ رژێمی تیرۆریستی سەهیۆنی هێنا
13 oC
13 oC
Güneşli
13 oC
Güneşli
سلۆڤینیا ڕایگەیاند کە هەموو ئاڵوگۆڕی چەک لە گەڵ رژێمی داگیرکەری سەهیۆنی ڕاگرتووە.
دوابەدوای ڕەخنەگرتن لە کۆمەڵکوژی و جینۆساید و قەیرانی مرۆیی لە غەززە، حکومەتی سلۆڤینیا هەنگاوێکی لە دژی رژێمی تیرۆریستی هاوێژت.
لە بەیاننامە فەرمییەکەدا ڕاگەیەندرا کە کڕین و فرۆشتنی چەک لە لایەن رژێمی تیرۆریستی سەهیۆنی و هەروەها گواستنەوەی ئەو بەرهەمانە لە ڕێگەی ئەو وڵاتە قەدەغە کراوە.
حکومەتی سلۆڤینیا ڕایگەیاند کە ئەو بڕیارە تاکلایەنەی داوە بەهۆی نەگرتنی هەڵوێستی یەکگرتووی یەکێتی ئەوروپا لەم پرسەدا. لە بەیاننامەکەدا جەختیش لەوە کراوەتەوە کە بە ئەنقەست ڕێگری لە هاوکارییە مرۆییەکان بۆ غەززە دەکرێت و ئەمەش بووەتە هۆی لەدەستدانی گیانی بەرچاو. بۆیە ڕایگەیاندووە کە گرتنەبەری هەنگاو بۆ هەموو وڵاتێکی بەرپرسیار، ئیمتیازێکی ئەخلاقییە.
بەم بڕیارە سلۆڤینیا بووە یەکەم وڵات لە یەکێتی ئەوروپا کە بازرگانی چەک بە تەواوی لەگەڵ رژێمی داگیرکەر قەدەغە بکات.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٠ هەزار و ٣٣٢ کەس و ژمارەی بریندارەکانیش گەشتە ١٤٧ هەزار و ٦٤٣ کەس.
لە ئاسمانەوە هاوکاری تەنها ٥ بارهەڵگر بۆ غەززەی کە ڕۆژانە پێویستی بە ٨٠٠ بارهەڵگر هاوکاری هەیە، کرا و ئەمەش ناڕەزایەتی لێکەوتەوە.
بزووتنەوەی خۆڕاگری ئیسلامی حەماس ئامادەیی خۆی ڕاگەیاند بۆ ئەوەی دەستبەجێ بچێتەوە سەر دانوستانەکان لە ئەگەری گەیشتنی یارمەتییە مرۆییەکان و کۆتایی هاتنی قەیرانی مرۆیی و برسێتی لە غەززە.
وتەبێژی وەزارەتی دەرەوەی ئێران هەڵمەتی ئەمریکا، فەڕەنسا و چەند وڵاتی دیکەی ڕۆژئاوایی بۆ دووپاتکردنەوەی تۆمەتە بێ بنەما و گاڵتەجارەکانیان لە دژی ئێرانی بە دیترهاوێژیی ئاشکرا و هەوڵ بۆ بەچەواشيبردنی ڕای گشتی لە گرینگترین پرسی ڕۆژ، واتە کۆمەڵکوژیی فەلەستینییەکان زانی و ئیدانەی کرد.
